Bushe Mutontonkanya Ukuti Ifintu Fikaba Shani ku Ntanshi?
Bushe kuti mwa-asuka ukuti . . .
-
fikatwalilila ukuba ifi fine fyaba?
-
fyakulabipilako fye?
-
fikawama?
IFYO BAIBO ILANDA
“Lesa . . . akakuumuna ifilamba fyonse ku menso yabo, ne mfwa tayakabeko na kabili, takwakabe no kuloosha nangu ukuteta nangu ukukalipwa na kabili. Ifya kale nafipita.”—Ukusokolola 21:3, 4, Baibo Amalembo ya Calo Cipya.
IFYO MUKANONKELAMO
Mukalabomba imilimo iisuma iikalamuletela insansa.—Esaya 65:21-23.
Tamwakalelwala nelyo ukucula.—Esaya 25:8; 33:24.
Imwe no lupwa lwenu ne fibusa mukalaba ne nsansa umuyayaya.—Amalumbo 37:11, 29.
BUSHE KUTI TWACETEKELA IFYO BAIBO ILANDA?
Ee, pantu:
-
Lesa alikwata amaka ya kucita ifyo alaya. Ni Yehova Lesa fye e o Baibo iita ukuti “mwe ba Maka Yonse,” pantu alikwatisha amaka. (Ukusokolola 15:3) Kanshi akafikilisha ifyo atulaya ukuti akalenga ifintu fikawame pano isonde. Baibo ilanda ukuti, “Lesa ena kuti acita ifintu fyonse.”—Mateo 19:26.
-
Lesa alafwaisha ukufikilisha ifyo atulaya. Ku ca kumwenako, Yehova alafwaisha ukubuusha abafwa.—Yobo 14:14, 15.
Baibo ilanda no kuti Yesu, Umwana wa kwa Lesa, aleundapa abalwele. Mulandu nshi alebondapila? Ni co alefwaya ukubafwa. (Marko 1:40, 41) Yesu alipashenye sana Wishi pantu na o alefwaya ukwafwa abali na mafya.—Yohane 14:9.
Kanshi te kuti tutwishike ukuti Yehova na Yesu balafwaisha ukuti tukekale bwino ku ntanshi.—Amalumbo 72:12-14; 145:16; 2 Petro 3:9.
IFYO MULINGILE UKULATONTONKANYAPO
Bushe Lesa akalenga shani ifintu fikawame pano isonde?
Baibo ilasuka ici cipusho pali MATEO 6:9, 10 na pali DANIELE 2:44.
Nalimo Kuti Mwatemwako ne fi
ULUPUNGU LWA KWA KALINDA
Icine pa Fikacitika ku Ntanshi
Mulekosha icitetekelo cenu mu fyo Lesa atulaya pa fyo isonde likaba ne fyo abantu bakalaikala.
AMALYASHI AYALEKANALEKANA
Isubilo lya Kuti Ifintu Fikawama ku Ntanshi lya Cine
Mulandu nshi ifyo amalayo yaba mu Baibolo yapusana ne fyo abantunse balaya no kusobela?
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
ULUPUNGU LWA KWA KALINDA
Finshi Ubufumu bwa kwa Lesa Bukacita?
Yesu alishibe ukuti Ubufumu bwa kwa Lesa e bwingapwisha fye amafya pe sonde. Finshi ubu Bufumu bwacita pa kuti tushininkishe ukuti bukafumyapo amafya pe sonde?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
