Siisay Talaga an Nagkokontrol sa Kinaban?
Iniisip mo daw na . . .
-
an Diyos?
-
an mga tawo?
-
may iba pa?
AN SABI KAN BIBLIYA
“An bilog na kinaban nasa kapangyarihan kan Maraot.”—1 Juan 5:19, An Marahay na Bareta Biblia.
“Nag-abot an Aki nin Diyos . . . para laglagon an gibo kan diyablo.”—1 Juan 3:8, New Century Version.
AN MGA PAKINABANG MO DIYAN
Pakasabot sa tunay na dahilan kan mga problema sa kinaban.—Kapahayagan 12:12.
May basehan na magtubod na mapapakarhay an satong kinaban.—1 Juan 2:17.
TALAGA DAW NA MAKAKAPAGTIWALA KITA SA SINASABI KAN BIBLIYA?
Iyo, huli sa tulong panginot na dahilan:
-
Daing padumanan an pamamahala ni Satanas. Desidido si Jehova na tapuson na an pagkontrol ni Satanas sa katawuhan. Nangangako siya na ‘paparaon niya an Diyablo’ asin hahalion an gabos na danyos na dara ni Satanas.—Hebreo 2:14, Bagong Kinaban na Traduksiyon.
-
Pinili nin Diyos si Jesu-Cristo na mamahala sa kinaban. Si Jesus an eksaktong kabaliktaran kan maisog saka makasadiring tagapamahala ngunyan kan kinaban. Manungod sa paghadi ni Jesus, nangangako an Diyos: “Mahihirak siya sa hamak asin sa dukha . . . Sa pang-aapi asin sa kadahasan ililigtas niya sinda.”—Salmo 72:13, 14.
-
An Diyos dai makakapagputik. Malinaw na sinasabi kan Bibliya: “Imposibleng magputik an Diyos.” (Hebreo 6:18) Pag may ipinanuga si Jehova, garo man sana nautob na iyan! (Isaias 55:10, 11) “An tagapamahala kan kinaban na ini papalayason.”—Juan 12:31.
PAG-ISIPAN
Ano an magigin kamugtakan kan kinaban pag hinali na an tagapamahala kaiyan?
An hapot na iyan sinisimbag kan Bibliya sa SALMO 37:10, 11 asin KAPAHAYAGAN 21:3, 4.
Puwede Mo Man Magustuhan
AN TORRENGBANTAYAN
Taano ta Dipisilon Makamtan an Katuninungan sa Kinaban?
Pigmamaigutan na marhay kan mga tawo na makamit an katuninungan sa bilog na daga, pero dai ninda iyan nagigibo. Aramon kun taano.
MAHALAGANG MGA TUKDO KAN BIBLIYA
Taano ta Tinutugutan nin Diyos an Pagsakit?
Dakul an naghahapot kun taano ta pano-pano nin pagkaanggot asin pagsakit an kinaban. An Bibliya nagtatao nin nakakakontento asin nakakarangang simbag.
SIMBAG SA MGA HAPOT SA BIBLIYA
Totoo Daw an Diyablo?
An Diyablo daw saro sanang simbolo nin karatan na nasa laog kan hawak nin tawo, o saro talaga siyang totoong persona?
MANUNGOD SAMO
Ta’no ta Kaipuhan Mag-adal nin Bibliya?
Sinisimbag kan Bibliya an importanteng mga hapot sa buhay kan minilyon na tawo sa bilog na kinaban. Gusto mo daw magin saro sa sainda?
MANUNGOD SAMO
Mag-request na May Magdalaw Saimo
Pag-ulayan an sarong hapot sa Bibliya, o aramon pa an manungod sa mga Saksi ni Jehova.
