NDƐ NGA E KWLA SUAN BE SU LIKE’N
Sɛ a suan Biblu’n nun like kpa’n ɔ ɲin trán su
Kanngan Daniɛli 9:1-19 nun naan wun like nga ti yɛ ɔ ti cinnjin kɛ a bo ɔ ɲin ase suan Biblu’n nun like’n.
Fa ɔ ɲin sie i ndɛ’n i ɲrun nin i sin’n su. ?Sa benin mun yɛ be juli blɛ sɔ’n nun-ɔn? ?Wafa sɛ yɛ sa sɔ’m be yoli Daniɛli-ɔ? (Dan. 5:29–6:5) ?Sɛ ɔ ti kɛ wɔ yɛ a ti Daniɛli’n, wafa sɛ yɛ sa sɔ’m bé yó wɔ-ɔ?
Si ndɛ’n nun kpa. ?‘Ɲanmiɛn ndɛ nga be klɛli be’ mɔ atrɛkpa’n Daniɛli niannin be nun’n yɛle benin? (Dan. 9:2, jnd.; w11-F 1/1 22 § 2) ?Ngue ti Daniɛli kokoli i sa tɛ’n ɔ nin Izraɛli nvle’n i liɛ’n kleli Ɲanmiɛn-ɔn? (San. 26:39-42; 1 Fam. 8:46-50; dp-F 182-184) ?Ngue ti yɛ srɛlɛ nga Daniɛli srɛli Zoova’n ɔ kle kɛ ɔ bo i ɲin ase suan Ɲanmiɛn Ndɛ’n nun like-ɔ?—Dan. 9:11-13.
Bu like nga a suannin’n i su akunndan. Usa ɔ wun kɛ:
-
‘?Ń yó sɛ naan mɛn’n nun sa’m be ti’n, m’an sieman min ɲin nɲɔnnɲɔn?’ (Mis. 7:7)
-
‘?Sɛ n bo min ɲin ase n suan Ɲanmiɛn Ndɛ’n i nun like kɛ Daniɛli sa’n, i su ye benin yɛ ń ɲɛ́n i-ɔ?’(w04 1/8 23-24 § 17)
-
‘?Ninnge benin wie mun yɛ n kwla suan be su like naan min ɲin w’a tran su-ɔ?’ (Mat. 24:42, 44; w12 1/8 13 § 7-8)