Mise 5:1-15
5 “Ee, talua, wɔ mɔ be fa alɛ wla ɔ sin’n,siɛn’n, a su bobo ɔ wun kannin,b’a bo e klɔ’n i wun nanmue.+
Be fa waka be fa fin Izraɛli jɔlɛ difuɛ’n i fuka’n su.+
2 Yɛ wɔ, Bɛtleɛmun Efrata,+wɔ mɔ a ti kaan dan ti’n be kwlá kaman wɔ wlaman Zida klɔ’m be nun wie’n,ɔ nun yɛ min sran ng’ɔ́ síe Izraɛli’n ɔ́ fín-ɔn.+
Sran sɔ’n i afinliɛ’n fin lalafuɛ nun, ɔ fin laa blɛ’n nun.
3 Ɔ maan ɔ́ wá yí be blo
lele saan bla ng’ɔ fata kɛ ɔ wu ba’n w’a wu ba.
Yɛ i niaan bian onga’m bé sá be sin Izraɛlifuɛ’m be wun.
4 Ɔ́ wá jáso, yɛ ɔ́ níɛn i nvlefuɛ’m be lika Zoova i fanngan nun,+i Ɲanmiɛn Zoova i dunman m’ɔ o like kwlaa ti su’n ti.
Yɛ bé trán fɔuun,+afin blɛ sɔ’n nun’n, i ɲrun m’ɔ le i’n ɔ́ wá jú asiɛ’n i tiwa lɔ.+
5 Ɔ́ wá fá fɔundi bá.+
Sɛ Asirifuɛ’n fa e mɛn’n naan ɔ saci e sua fleinflein mun’n,+é fá nnɛn kankanfuɛ nso, ɛɛn, é fá wlengbi* mɔcuɛ klɔ sran’m be nun, naan be nin i kun.
6 Bé wá fá tokofi bé kánkán Asiri mɛn’n,+bé fá kánkán Nimrɔdu+ mɛn’n i anuan’mbe nun lɛ.
Kɛ Asirifuɛ’n+ wá fá e mɛn’n, m’ɔ́ tíatía e lika’n su’n,ɔ́ dé e i sa nun.
7 Zakɔbu i awlo’n nunfuɛ nga be kali lɛ’n, bé yó sran kpanngban be afiɛn
kɛ bɔlɛ m’ɔ fin Zoova’n sa,bé yó kɛ nzue m’ɔ tɔ ijre’m be su
m’ɔ fɛmɛn i wla guaman sran su
m’ɔ minndɛman klɔ sran mun’n sa.
8 Zakɔbu i awlo’n nunfuɛ nga be kali lɛ’n, be nin nvlenvle mun,be nin sran kpanngban bé trán
kɛ asɔmɔli m’ɔ o bo’n nun lɔ nnɛn’m be afiɛn’n sa,bé yó kɛ asɔmɔli gbanflɛn* m’ɔ o bua’m be afiɛn’n sa,ɔ sinsin, ɔ tɔ be su, yɛ ɔ titi be nun,yɛ sran fi nunman lɛ naan w’a de be.
9 Bé wá mán ɔ sa’n su ɔ kpɔfuɛ’m be su bé klé kɛ a kwlali be,yɛ ɔ kpɔfuɛ’m be kwlaa bé núnnún.”
10 Ndɛ nga Zoova kan’n yɛ: “Cɛn sɔ’n nun’n,ń núnnún ɔ nnɛn kpanngɔ mun ɔ afiɛn, yɛ ń sáci ɔ kakaklolo mun.
11 Ń sáci ɔ mɛn’n nun klɔ mun,kpɛkun ń búbú ɔ lika mɔ be wun ti sisiwa’n.
12 Ń má yó maan bae dilɛ ninnge nga a yo be’nbé wíe,yɛ atrɛ yifuɛ fi su kaman ɔ afiɛn kun.+
13 Ń má sáci ɔ amuin nga a sɛli be’n, ɔ nin ɔ yɔbuɛ nga a sɔ be’n ɔ afiɛn,yɛ a su kotoman ɔ sa nuan ninnge’m be bo kun.+
14 Ń má tútú ɔ waka nga a sɔ be’n+ be bo ɔ afiɛn,kpɛkun ń núnnún ɔ klɔ mun.
15 Ń má fá ya, ń má fá ya dan kpa ń tú min klunngbɔ
nvlenvle nga be ɲin w’a yiman min’n be su.”
