Medou pô te djye gô tchôsi pe, dou paʼ wap te kho tsuʼou gre sôm kwite ne djouʼ ghôm Si, ke sôm jwyete a le. Nweke a po tcheng ge o pe gô ne mtchouʼte mye pe Mkwithè Jéova gre a? A gô ha ke bou?

Ŋwègne ne pe tchetche mso pepoung. Ne dendze wôdzu khe, mkritè le be tchouʼte tchum bemte, be gamte Si, jiʼte Bible, neng be ha kaktuô tchetche pou. (Ébraika 10:24, 25) Mkritè bô le tchouʼte pou a mso pepoung​—mfe pap tchum jwégne, ne taʼ tsuʼ koungne ye bawele tchôm mtso fe é a. (2 Tésalonika 1:3; 3 Yohané 14) Pye foʼ wap, a ghe ge pye ghe ŋwègne paʼ wap a.

Jiʼte ye a kwite ne ying ne mkète Bible a. Paʼ ne ye tchwe Bible a, pebè, pedjwi pou a po bemte tchouʼte. Pô pye wap jiʼte pô a de Bible ne daʼte paʼ pou fing ne ying ne mkhète mye a them tchum Bible a goung mtyèʼ awè. (Deutéronome 31:12; Néhémie 8:8) Bawele fing ne paʼ ghôm ke jwôp le ne daʼte ye pintum ba ge é we byap tyèʼdu dze pepoung te môkte.​—Ébraika 10:23.

Ŋwègne ye a fe ne ne ghe pintum gwye a. Gè them Polo le ghôm bi pô taʼ bemte ne ye tam ge: “Ne yô wô we theng a téʼ, . . . poʼo te pe ne khaktuô we po, shye m ne pintum ye a be yôkpe, yô ba ye.” (Roma 1:11, 12) Ne pe tchouʼte te yaʼ pou a pyeshe Mkwithè Jéova gre ge yôk pintum, ba yôk khète ne tchwe paʼ mkrithè a kwye.

A bo theng o ne soʼ ne tchouʼte bemte tyè mo dzu yu pé ne tse tsenge a? Pye gô le ŋwègne ne le o tsuʼou. Pou te bé te kho a, pou le neng be maʼ khap.

• Pye ging ne ya foʼte te ne gre mtchouʼte môk?

• Mtchouʼte môk ha ke?