JIʼTE 01
Bible fing ne kwite o m tchi ge ke ?
Goung yôkpe awè pe gre mhente ne vôk, mgheghô, vu ba mtyèʼdzu dze. Pe tcheng ba kwite ne tchi ne nyapte mnwe môkpe : paʼ, ne tchi ne gre khap ne gre potse tsye a tcheng bi pe a, ke tchi paʼ pe fing ne ghe ŋwègne tchum toundye yôkpe a le. Medou pô be wap yô ge Bible te kwite wap daʼ ne ghe mpaʼ ne mhente gugwye ne vôk pe, daʼge a bing ha mthôk pepoung bi pou ne ne tchwe goung mtyèʼ awè. Bawele fing ne tsu pé ne Bible.
1. She mhente mye Bible ha mpaʼ ne a be ma ?
Bible ha mpaʼ ne mhente mtuôdeng menge : vôk le thoʼ m tchi ge ke ? Nweke pe be we ? Nweke pômneng djô goʼ ? Ke tchyete tchwe ye mo pfu a ? A pe ge goung pô awè tcheng hwite, be nweke shou pe si deng poʼo ? Ke gô tchyete demtchaʼ tchum mtyèʼdzu dze ? Bible ha kaktuô bi pe ne pe tcheng mpaʼ ne mhente paʼ menge a. Medou pô be wap neng djô ge mpaʼ mye Bible ha a be a tchente boung.
2. Bible fing ne kwite wôkpe tchum vôk tsôkpe m tchi ge ke ?
Bible ha mthôk pepoung bi pe. She mfoʼte, a jiʼte bi mtoundye tchi paʼ wap fing ne ghe ŋwègne nyenyô a. A gôm bi pe ywe ye pe fing ne ghe tchwe ye pe bo djwing a, ba tchi paʼ pe fing ne lagne ne koung faʼ tsôkpe a. Tchwe ye pe gô pemte jiʼte kam ŋwaʼgne yenge a, o gô jiʼte ywe ye Bible dagne ne potse tsenge, ba ne she a. A fing ne ghe ge o ping you ge “Goung ywe ye a be pou ve tchum ŋwaʼgne a [Goung ywe ye a be tchum Bible a] be a . . . kwite.”—2 Timotio 3:16.
Ŋwaʼgne yenge te bo de tsuʼ Bible pe. A ha kaktuô bou ne jiʼte Bible kwaʼ wou. Poʼo pye bo ha kaktuô bou ne ké mkhè Bible mye a tchum mjiʼte menge a neng dé tchi paʼ a bo tchouʼgne ne ywe ye o bo dagne a.
PING TCHENG NE GÔ DZE
Lagne tchi paʼ Bible kwite pô a, tchi paʼ o fing ne ŋwègne ne pe khé ya a, ba nweke a be a poung ne hente ge pou kwite o ne youʼ ya a.
3. Bible fing ne laʼte jye bi pe
Bible be paʼ taʼ tôselam ye a kyèʼ téʼ a. Bible fing ne kwite wôkpe ne le mkhète pepoung. A neng fing ba ne sing wôkpe ywe ye a gô tchyete tchum mtyèʼdzu dze a.
Ké Mghôm ghamte 119:105, neng gômte ne mhente menge :
-
Mo ye é le ve mghôm ghamte menge a le djô Bible m tchi ge ke ?
-
O sè you ge ke ne Bible ?
4. Bible fing ne ha mpaʼ ne mhente môkpe
Taʼ mamdjwi yô ge, Bible ha mpaʼ ne mhente mye a le bo bakgne é te fe medou mgouʼ a. Yô VIDÉO, neng gômte ne mhente menge.
-
Tchum vidéo, mdjwi yeng le be é ghe ma tchi mhente ?
-
Ne jiʼte Bible le kwite é m tchi ge ke ?
Bible ha kaktuô bi pe ne pe ha mhente. Ké Matio 7:7, neng gômte ne hente yenge :
-
O ghe ma mhente mye Bible fing ne kwite o ne ghe mpaʼ ne a ?
5. O fing ne ŋwègne ne pe ké Bible
Medou pô ŋwègne ne pe khé Bible neng tchente be dzu pé ne. Yô VIDÉO, neng gômte ne mhente menge.
-
Tchum vidéo, ne ké ywe gre ge po msem youʼ ne yap m tchi ge ke ?
-
Ba m paʼ wap te koung ne ké ywe a pe, nweke wap khoung ne ké Bible ?
Bible gôm ge a fing ne ha mthôk mye a juete wôkpe a, ba potse pepoung tsye pe fing ne pyap ne mtyèʼdzu dze a bi pe. Ké Roma 15:4, neng gômte ne hente yenge :
-
O ghe ji ne jye tchi paʼ Bible fing ne juete o a, ba potse pepoung tsye a bo kaʼgne ne mtyeʼdzu dze a ?
6. She pô fing ne kwite wôkpe ne youʼ Bible
Medou pô be wap youʼ ge ne ké Bible do pou be a poung, daʼge ne pe gômte ne pou a pyeshe pô bing kwite wap. Ké Mfaʼ 8:26-31, neng gômte ne hente yenge :
-
Pe fing ne ghe la te djouʼ Bible ?—Yô mkhè 30 ba 31.
SHE PÔ GÔM GE : “Ne jiʼte Bible be ne pi tam.”
-
O fing ne paʼ ge ke ? Nweke ?
YE NE KHAMTE
Bible ha mthôk mye a fing ne kwite wôkpe ne goung mtyèʼdzu môkpe awè a, be ha mpaʼ ne mhente mtuôdeng, be ha juete, ba potse pepoung tsye pe fing ne pyap tchum mtyèʼdzu dze a.
O lagne ke ?
-
Pe fing ne yô ya tchi mthôk tchum Bible ?
-
She mhente mye Bible ha mpaʼ ne a be ma ?
-
A gô poung o ne lagne ke tchum Bible ?
YÔ SHE POTSE NE
Yô tchi paʼ mthôk Bible kwite wôkpe ba m tyôʼô a.
« Une sagesse à lʼépreuve du temps » (La Tour de Garde no 1 2018)
Yô tchi paʼ Bible kwite taʼ mbè, ye é le be é loʼ pou a mkwègne tchwepoug te fe mouywe mou a.
Yô mthôk pepoung mye Bible ha bi mtoundye a.
« 12 clés du bonheur familial » (Réveillez-vous ! no 2 2018)
Lagne tchi paʼ Bible kwyepgne ywe ye pô sè ne kwaʼ mo ye é saʼ yeng dzu a.