Au tubu di Tiranë, ibukota ni Albania jala pogos do keluargakku. Halak na jujur do bapakku jala kerja keras do ibana asa boi manarihon hami. Alai tong do susa parhepengonnami. Tikki gelleng dope au, lungun hian do rohakku mangida susa ni parngoluonnami. Jala tikki dakdanak au, dang hea adong sipatukku jala sai hurang do sipanganonnami.

 Mulai sian dakdanak, nga manakko au. Huulahon pe songon i, na lao mangurupi keluargakku do au. Ujungna, hea ma au ditakkup polisi. Alani i taon 1988 tikki marumur 14 taon, dipamasuk bapakku ma au tu sikkola na khusus tu akka halak na bandal. Saleleng dua taon ma au disi jala marsiajar ma au mangalas. Dung kaluar au sian i, naeng gabe halak na jujur do au. Alai dang adong dope dapottu karejo. Jala godang do tikki i na pengangguran di Albania alani kekacauan politik. On mambahen au gabe marsak. Alani i, hujuppangi ma akka donganku najolo jala gabe manakko ma au muse. Ujungna, ditakkup ma au dohot donganki jala dipenjarahon ma hami saleleng tolu taon.

 Dung kaluar au sian penjara, tetap dope au jahat. Tikki i susa hian ma perekonomian di Albania jala gabe kacau ma situasi di negara i. Saleleng kekacauan i, godang do hepengku ala mangulahon ulaon na ilegal. Ditakkup ma dua donganku na rap mangarampok dohot au, alai pittor melarikan diri ma au sian negarakku asa unang dipenjarahon. Dung i, mangoli ma au tu si Julinda jala adong ma sada anaknami.

 Ujungna tinggal di Inggris ma hami. Naeng hupadenggan ma pangalahokku asa boi denggan au rap istrikku dohot anakku, alai maol dope hupauba pangalahokku najolo i. Huulahon dope muse hajahaton. Gabe pengedar narkoba ma au jala godang do hepengku sian i.

 Songon dia do pakkilalaan ni si Julinda ala gabe pengedar narkoba au? Songon on ma didok ibana, “Ala magodang di Albania do au, didok rohakku dang olo be au pogos. Huulahon do sude manang aha pe, asal ma boi denggan ngolukku. Alana didok rohakku, molo lam godang hepengku lam denggan ma ngolukku. Alani i hudukung do si Artan nang pe gabe pargabus, panakko, pengedar narkoba, manang mangulahon aha pe taho na penting godang hepengna.”

 Alai taon 2002, muba ma na masa di ngolukku. Parhepongon dohot sude na huangan-angatton, toppu ma mago i sude. Ditakkup ma au tikki mamboan godang narkoba jala dipenjarahon ma au muse.

 Mulai ma muba ngolukku alani Hata ni Debata, alai dang husadari i. Taon 2000, pajuppang ma si Julinda dohot Saksi Jahowa jala marsiajar Bibel ma nasida. Di mulana i, dang tertarik au mambahas isi ni Bibel alana didok rohakku mambahen bosan do i. Alai molo si Julinda lomo do rohana. Didok ibana do, “Sian keluarga na taat beragama do au, huargai do Bibel jala lomo hian do rohakku manjaha i. Sai naeng huboto do aha na diajarhon di Bibel jala lomo do rohakku marsiajar Bibel dohot Saksi. Godang do na diajarhon di Bibel na masuk akkal di rohakku. Akka na huparsiajari i, mangurupi au lao mambahen hamubaon di ngolukku. Sebelum tartakkup dope si Artan, toktong dope didok rohakku molo hepeng boi mambahen marlas ni roha. Alai dung tartakkup ibana, muba ma carakku marpikkir. Husadari ma, tutu do na didok Bibel taringot hepeng. Diulahon hami do manang aha pe na boi mambahen hami asa mamora, alai dang las rohanami dibahen i. Gabe huboto ma porlu do mangihutton sude paretta ni Debata.”

 Taon 2004, dibebasson ma au sian penjara jala naeng mulak muse gabe pengedar narkoba. Alai nga muba be cara marpikkir ni si Julinda. Jala hata ni si Julinda mambahen au marpikkir, alana didok ibana do tu au, “Dang porlu be di au hepengmi. Na porlu di au toktong rap dohot suamikku. Jala na porlu di au, gellengkon rap dohot bapakna.” Songgot ma rohakku mambege i, toho do na didokna i. Alana na saleleng on jarang do au rap dohot keluargakku. Gabe hupikkiri ma, ala holan na mangalului hepeng marhite cara na so jujur, gabe godang ma hasusaan na huhilala. Ujungna hubahen ma keputusan asa muba jala hutadikkon ma sude akka donganku najolo i.

 Alai tikki lao au dohot istrikku rap dohot dua anakku tu parpunguan ni Saksi Jahowa, gabe muba ma huhilala sude. Longang do rohakku mangida ala burju jala ramah do sude halak na di parpunguan i. Ujungna, marsiajar Bibel ma au.

 Huparsiajari ma sian Bibel, “Holong ni roha tu hepeng do urat ni nasa hajahaton. . . . Jala parohon na hansit tu dirina binahen ni godang hasusaan.” (1 Timoteus 6:9, 10) Sian na huhilala na saleleng on, huboto ma tutu do na didok ayat i! Gabe husolsoli ma pangalahokku najolo i, alana gabe susa do au dohot keluargakku. (Galatia 6:7) Dung marsiajar au huboto ma holong do hape roha ni Jahowa dohot anakna Jesus Kristus tu hita, gabe hupauba ma pangalahokku. Dang holan dirikku be na hupikkirhon alai hupikkirhon do halak na asing, termasuk ma i mangalehon godang tikkikku tu keluargakku.

 Huhilala do manfaatna molo mangihutton poda ni Bibel na mandok, “Unang ma holongan di hepeng hamu, alai las ma rohamuna di angka na adong di hamu.” (Heber 13:5) Saonari nga dame be pikkiranku jala dang targanggu be panggora ni rohakku. Saonari las hian do rohakku, dang hea huhilala las ni roha sisongon on. Gabe lam denggan ma rumah tangganami jala lam akrab keluarganami.

 Najolo didok rohakku, molo godang hepengnami boi ma sonang ngolunami. Alai saonari huboto ma, hajahaton dohot holongan tu hepeng mambahen au lam susa. Memang dang mamora hami, alai lobi sian i adong do na uppetting na dapotnami, i ma marale-ale tu Debata Jahowa. Ala manomba Jahowa mambahen marsada keluarganami jala i mambahen hami marlas ni roha.