“Lomo hian do rohakku mangida Bale Harajaonnami”, i ma na didok si Nicole sahalak donganta borua sian Kolombia. Didok ibana muse, “Di Bale Harajaon do au boi juppang dohot akka dongan sahaporseaon.” Sarupa do perasaanmuna songon si Nicole?

 Di liat portibi on, adong hira-hira 63.000 Bale Harajaon ni Saksi Jahowa. Ala adong akka bangunan i, gabe boi ma hita nyaman manomba Debata. Alai dang holan i, adong sahalak perintis biasa na margoar si David sian Kolombia mandok, “Ala adong Bale Harajaonta, gabe lam diargai akka halak ma barita na tapasahat. Jala longang do akka halak na ro tu Bale Harajaonta mangida denggan ni bangunan i.” Boi pe songon i, ala bekerja keras do hita paiasson jala mangarawat Bale Harajaonta. Songon dia do caratta manjaga asa boi Bale Harajaon i toktong denggan?

 Martanggung jawab do akka huria lao mangarawat Bale Harajaon na dipakke nasida. Contohna, ikkon rutin do nasida paiasson i. Asing ni i, porlu do muse dipadenggan nasida akka bagian na sega sebelum lam parah.

 Lao mangurupi akka donganta mangarawat Bale Harajaon, dipillit Rancang Bangun Setempat (RBS) ma akka dongan bawa sebagai pelatih pemeliharaan. Ganup pelatih pemeliharaan mengawasi onom sahat tu sappulu Bale Harajaon. Dijuppangi jala dilatik ibana do akka penyiar di huria asa diboto nasida boha carana mangarawat Bale Harajaon. Jala setiap tolu taon, dipareso ibana do akka bangunan i asa diboto bagian dia na ikkon dipadenggan, termasuk ma masalah keselamatan dohot pemeliharaan.

 Diargai akka donganta do pelatihan na dibahen akka pelatih pemeliharaan i. Si Indhumathi sahalak donganta borua sian India mandok, “Luar biasa do pelatihan on. Diajari do hami songon dia carana lao manjaga asa tetap terawat Bale Harajaonta.” Si Evans sahalak donganta bawa na sian Kenya mandok, “Dilatik do hami asa pittor hatop padenggatton na sega sebelum lam parah masalahna jala asa unang godang biaya na dipakaluar.”

 Ganup taon, dipakke do marratus manang marribu dolar AS lao mangarawat sada Bale Harajaon. Godang ni biaya na dipakaluar bergantung tu lokasi ni Bale i, nungnga sadia leleng Bale i dibangun, jala sadia godang huria na mamakke i. Sian dia do biaya na dipakke tusi?

 Biaya na dipakke lao mangarawat Bale Harajaon dibuat sian sumbangan sukarela. Si Alexander sahalak donganta bawa sian Kazakstan mandok, “Sebagian sumbangan i dipakke ma lao mambayar internet dohot na asing, songon aek dohot listrik. Sebagian dipakke lao manuhor tissu, sarung tangan, akka alat kebersihan, dohot cat.” Molo adong sumbangan i na lobi, dikirim ma i tu pekerjaan sedunia asa dipakke lao mendukung proyek pemeliharaan di liat portibi on.

 Molo adong sada Bale Harajaon makkaporluhon pemeliharaan, alai biayana lobi sian biaya operasional na dipakke nasida saleleng dua manang tolu bulan, porlu do akka sintua na disi paboahon i tu pelatih pemeliharaan RBS. Molo disetujui RBS do proyek i, dipakke ma hepeng sian sumbangan pekerjaan sedunia lao mambiayai i. Saleleng taon dinas 2023, adong 8.793 proyek pemeliharaan na balga na makkaporluhon biaya 76,6 juta dolar AS. Taida ma dua contohna.

 Di Angola, adong ma sada Bale Harajaon naung 15 taon dibangun, jala adong piga-piga na sega di bangunan i. Ikkon digatti instalasi listrikna, tembokna retak, jala adong kebocoran aek na sahat tu jabu ni akka halak na adong di sekitar ni Bale Harajaon i. Diatur RBS ma asa pittor hatop ditangani masalah i. Dipakke ma 9.285 dolar AS hepeng tusi. Terkesan do akka halak di sekitar ni Bale i mangida proyek i, jala mandok mauliate do nasida ala pittor hatop i dipadenggan.

 Di Polandia, adong sada Bale Harajaon na bocor atapna jala karpetna pe nungnga sega. Setuju do RBS asa digatti karpet i jala dipadenggan atap na bocor i dung i dilappis mamakke lapisan na tahan air. Habis do 9.757 dolar AS tu proyek i. Alai hasilna, gabe boi ma tetap dipakke Bale Harajaon i saleleng piga-piga taon jala dang porlu be direnovasi.

 Pemeliharaan dang holan menghemat dana sumbangan, alai parohon pujian do tong i tu Jahowa. Si Shaun sahalak donganta bawa sian Tonga mandok, “Ala denggan tarawat Bale Harajaonta, gabe boi ma hita manomba Jahowa di inganan na ias, rapi, jala na nyaman. Hasilna, gabe dipuji ma goar ni Jahowa. Hami pe, gabe semangat ma mangundang akka halak asa ro tu Bale Harajaon.”

 Martanggung jawab do hita sude lao paiasson jala mangarawat inganan parpunguanta. Si Marino sahalak pelatih pemeliharaan sian Australia mandok, “Sada hasangapon do di hita boi dohot mangarawat Bale Harajaon. Molo olo hita mangulahon i, gabe tahemat ma akka dana sumbangan jala boi ma dipakke sumbangan i tu akka proyek na asing.”

 Si Joel sahalak donganta bawa sian India, las hian do rohana mangida Bale Harajaon ni nasida. Didok ibana, “Tikki rap karejo au dohot akka dongan sahaporseaon, gabe boi ma hubayakkon songon dia annon parngoluotta di tano na imbaru.” Si Nicole na dipaboa nakkin mandok, “Baru-baru on, tikki dipadenggan akka dongan saluran ni aek na bocor, huurupi do nasida mangapel lantai. Nang pe dang dohot au padenggatton saluran na sega i, alai las do rohakku ala boi huurupi nasida asa unang adong terjadi kecelakaan kerja.”

 Molo lomo do rohamuna dohot mangurupi tu proyek pemeliharaan Bale Harajaon, paboa ma i tu sintua di huriamuna. Asing ni i, hepeng sumbangan na dilehon hamu dang holan mendukung pemeliharaan ni Bale Harajaonmuna. Alai dipakke do tong i lao memelihara sude Bale Harajaon di liat portibi on. Boi do dilehon hamu sumbangan i di kotak sumbangan na adong di Bale Harajaon manang lewat donate.pr418.com. Mandok mauliate do hami tu sude haburjuon na dipatudu hamu.