Molo diboto sasahalak dia na sittong dohot na sala, dang mangihutton perasaan ibana tikki mambahen keputusan. Alai mangihutton parbinotoanna do. Nang pe dang adong halak na mangida nasida, tetap do nasida mangulahon na sittong.

Godang do saonari pandangan na so takkas taringot dia na sittong dohot na sala. Boi do dibege akka dakdanak pandangan sisongon i sian akka dongan sasikkolana, sian musik na dibege ibana, manang sian acara TV dohot film na ditonton ibana. Akibatna, olo do ra gabe ragu ibana tu pendirianna.

Mura do remaja terpengaruh. Bukku Beyond the Big Talk mandok, “Sai berusaha do akka dongan dohot media sosial mempengaruhi akka remaja asa olo mangulahon lomo ni roha ni halak. Jadi ikkon kuat do pendirian ni nasida nang pe gabe berbeda nasida sian akka donganna.” Takkas ma, sebelum remaja sahalak dakdanak, porlu do ibana diajari lao mamboto dia na sittong dohot na sala.

Paboa ma dia na sittong dohot na sala.

• PRINSIP NI BIBEL: “Ai halak [na dewasa] toktong do jolo dipikirhon ibana aha na lao diulahon. Alani i gabe tarlatik ma ibana mamboto dia na sittong dohot na sala.”​—Heber 5:​14.

• Takkas ma bahen perbedaanna. Pakke ma akka ulaon siganup ari lao paboahon dia na sittong dohot na sala. Misalna boi do didokkon hamu tu gellengmuna, “Molo songon on diulahon ho, berarti jujur do ho.” “Molo songon i, berarti dang jujur.” “Molo songon on diulahon ho, berarti na burju do ho.” “Molo songon i, na jahat do ho.” Molo sering diulahon hamu songon i, lam leleng boi ma diboto gellengmuna dia na boi diulahon ibana dohot na so boi diulahon.

• Patorang ma alasanna. Boi do disukkun hamu tu gellengmuna, “Menurut ho, boasa ikkon jujur hita? Aha do akibatna molo sai margabus hita? Menurutmu, boasa sala manakko?” Molo dibahen hamu sukkun-sukkun sisongon i, boi ma diattusi gellengmuna boasa sada ulaon boi didok sala manang na sittong.

• Paboa ma aha manfaatna. Boi do didokkon hamu tu gellengmuna, “Molo jujur ho, gabe porsea ma halak tu ho.” Manang, “Molo burju ho, gabe lomo ma roha ni halak mardongan tu ho.”

Ikkon sarupa do pendirianmuna sekeluarga.

PRINSIP NI BIBEL: “Toktong ma uji jala pareso hamu dirimuna.”​—2 Korint 13:5.

• Berusaha ma asa boi hamuna sekeluarga mangulahon na sittong. Dung i, boi ma dokkononmuna:

  • “Dang lomo rohanami sekeluarga margabus.”

  • “Dang hea hami mamukkul manang mangaleai halak.”

  • “Dang hea hami kasar makkatai manang manonggaki halak.”

Dung i, berusaha ma gellengmuna mangulahon na sittong, dang alana mangihutton hatamuna, alai ala nungnga songon i pendirianmuna na sekeluarga.

• Sering ma bahas taringot pendirian ni keluargamuna tu gellengmuna. Pakke ma akka na masa siganup ari lao mambandingkon pandangan ni keluargamuna tu pandangan ni godangan halak. Misalna akka na masa na diida hamu di media sosial manang akka na masa di sikkolana. Sukkun ma songon on tu gellengmuna, “Molo ho di posisi ni nasida, aha ma na diulahon ho?” “Molo mangihutton pendirian ni keluargatta, aha ma na diulahon ho?”

Urupi ma asa hot pendirian ni gellengmuna.

PRINSIP NI BIBEL: “Marsitutu ma hamu asa toktong denggan panggora ni rohamuna.”​—1 Petrus 3:​16.

• Puji ma gellengmuna. Molo diulahon gellengmuna na denggan, puji ma ibana jala paboa ma boasa dipuji hamu ibana. Misalna boi do dokkononmuna tu gellengmuna, “Las hian do roha ni Bapak ala jujur ho. Mauliate da.” Jala molo diakkui gellengmuna kesalahanna, puji ma ibana sebelum dipodai hamu, ala olo ibana mengakkui kesalahanna i.

• Bahas ma kesalahanna. Ikkon bertanggung jawab do gellengmuna molo mambahen kesalahan. Molo mambahen kesalahan ibana, porlu do diboto ibana na dia kesalahanna. Jala boasa dang sadalan tu pendirianmuna na sekeluarga. Adong do natua-tua na so olo mambahas kesalahan ni gellengna, ala mabiar nasida gabe ‘merasa bersalah’ gellengna. Alai sebenarna molo dipaboa natua-tua boasa sala na dibahen gellengna i, gabe terlatik ma hati nurani ni gellengna lao mamboto dia na sittong dohot na sala.