TU NA SUAMI ISTRI
2: Kerjasama
LAPATANNA
Ikkon kerjasama do na suami istri. Molo kerjasama na suami istri dos songon pilot dohot kopilot na kompak ma nasida. Nang pe adong masalah ikkon dipikkirhon suami manang istri do kepentingan ni “nasida na dua”, dang “kepentinganna sandiri”.
NA DIDOK BIBEL: “Dang dua be nasida alai sada nama.”—Mateus 19:6.
“Dang holan upaya ni suami manang istri na mambahen keluarga bahagia. Alai ikkon rap berjuang do na suami istri.”—Si Christopher.
BOASA PENTING ON
Molo dang kerjasama na suami istri, olo do gabe pasanganna be na disalahon tikki adong masalah, dang masalahna i na dipasae. Alani i, masalah na gelleng pe olo do gabe masalah na balga.
“Penting do kerjasama di perkawinan. Alana molo dang rap kerjasama au dohot suamikku, gabe holan dongan sakamar do hami dang suami istri. Nang pe rap tinggal hami, alai dang saroha sapikkiran hami tikki mambahen keputusan na penting.”—Si Alexandra.
NA BOI DIULAHON HAMU
PIKKIRHON MA ON
-
Gabe didok rohakku do molo gajikku holan “appunakku sandiri”?
-
Ikkon dao do au sian dongan saripekku, asa boi tenang huhilala?
-
Na so olo do au kompak tu keluarga ni dongan saripekku, hape dongan saripekku kompak do tu keluargana?
DENGGAN MA ON HATAI HAMU
-
Di bidang dia do hita naung rap kerjasama?
-
Akka aha dope na porlu tapadenggan?
-
Aha dope na ikkon taulahon asa boi denggan hita kerjasama?
CARANA
-
Molo dang kerjasama hamuna dohot dongan saripemuna, dos ma hamu songon pemain bulu tangkis na naeng manaluhon alona. Molo songon i, aha do na ikkon diulahon hamu na dua asa boi gabe sada tim?
-
Daripada mamikkirhon, ‘Songon dia do asa boi au monang?’ tumagon ma pikkirhon ‘Songon dia do asa boi hami na dua monang?’
“Dang penting ise na sittong manang ise na sala. Na uppetting, hita dohot dongan saripetta ikkon toktong do mardame jala kompak.”—Si Ethan.
NA DIDOK BIBEL: “Unang ma holan mamparrohahon na porlu di hamu, alai parrohahon ma na porlu di na asing.”—Pilippi 2:3, 4.
