Porlu! Alana, lomo do roha ni Debata asa rap marpungu akka naposona lao manomba Ibana. Didok Bibel, “Taparrohahon ma akka donganta, asa boi hita manjujui na asing lao patuduhon holong ni roha dohot mangulahon na denggan. Unang ma tatinggalhon parpunguanta.”​—Heber 10:24, 25.

 Didok Jesus, akka na mangihutton ibana lao mambahen sada kelompok na terorganisasi. Didok, “Molo marsihaholongan hamu, botoon ni sude jolma ma na siseanku hamu.” (Johannes 13:35) Sada cara ni akka sisean ni Kristus patuduhon holong, i ma rap marpungu dohot dongan sahaporseaon ni nasida. Dibahen do akka huria asa boi nasida taratur beribadat. (1 Korint 16:19) Dipapungu ma akka huria nakking tu sada organisasi rap dohot akka dongan na adong di liat portibi on.​—1 Petrus 2:17.

Cukkup do molo holan bergabung?

 Dang cukkup molo holan bergabung tu sada agama. Memang, dang adong dipaboa di Bibel ikkon bergabung do sasahalak di sada agama asa boi mambahen las roha ni Debata. Alai, ikkon diulahon ibana do aha na diajarhon agamana asa boi mambahen las roha ni Debata. Contohna didok Bibel, “On do agama na so ramun jala na ias di jolo ni Debata Ama i: Mangurus na so marama na so marina dohot na mabalu tikki marsitaonon nasida. Jala na manjaga dirina asa unang ramun dibahen portibi on.”​—Jakobus 1:27.