Di bahasa Junani goar ni bukku Pangungkapon i ma A·po·kaʹly·psis (apokalips), artina “Pangungkapon” manang “Dipaboa”. Jadi sian on taboto ma bukku Pangungkapon on paboahon akka rahasia na buni jala paboahon akka peristiwa na lao terjadi di ari na naeng ro. Godang do akka ayat na di bukku Pangungkapon on na so terjadi dope.

Garis besar ni bukku Pangungkapon

•   Pengantar.​—Pangungkapon 1:1-9.

•   Pesan ni Jesus tu pitu huria.​—Pangungkapon 1:10–​3:​22.

•   Parnidaan taringot Debata na adong di tahtana di surgo.​—Pangungkapon 4:1-​11.

•   Akka parnidaan na saling berkaitan, setiap parnidaan berhubungan do tu parnidaan na berikutna:

  •   Pitu segel.​—Pangungkapon 5:1–​8:6.

  •   Pitu tarompet, jala tarompet na palimahon sahat tu na papituhon paboahon jea.​—Pangungkapon 8:7–​14:20.

  •   Pitu makkuk, setiap makkuk marisi sada jea na manggombarhon hukuman sian Debata na lao diusehon tu tano on.​—Pangungkapon 15:1–​16:21.

  •   Parnidaan na paboahon lao dipamate Debata sude musuna.​—Pangungkapon 17:1–​20:10.

  •   Parnidaan na paboahon pasu-pasu ni Debata tu na di surgo dohot di tano on.​—Pangungkapon 20:11–​22:5.

•   Panutup.​—Pangungkapon 22:​6-​21.

Carana asa boi taattusi isi ni bukku Pangungkapon

1.   Barita na uli do isi ni bukku on tu akka halak na manomba Debata, dang na lao pabiar-biarhon hita. Godang do na manghubungkon hata “apokalips” tu bencana na massai balga. Alai dang tutu songon i, alana di awal dohot di akhir ni bukku Pangungkapon i didok do, marlas ni roha ma halak na manjaha, manangihon, dohot na mangoloi na tarsurat di bukku on.​—Pangungkapon 1:3; 22:7.

2.   Di bukku Pangungkapon godang do dipakke lambang manang simbol, jadi dang boi taartihon persis songon na tarsurat i.​—Pangungkapon 1:1.

3.   Godang do gelar dohot simbol na di bukku Pangungkapon nungnga dipaboa hian di bukku-bukku na sebelumna di Bibel:

   •   Jahowa​—“Jahowa do Debata na sittong di langit” jala na manoppa saluhut.​—5 Musa 4:39; Psalmen 103:19; Pangungkapon 4:11; 15:3.

   •   Jesus Kristus​—“Anak ni Biru-Biru ni Debata”.​—Johannes 1:29; Pangungkapon 5:6; 14:1.

   •   Sibolis​—musu ni Debata.​—1 Musa 3:14, 15; Johannes 8:44; Pangungkapon 12:9.

   •   Babel na Balga​—dos songon kota Babel (Babilon) najolo, musu ni Jahowa dohot musu ni naposona do akka jolma na di kota on, jala sian on do sumber ni ajaran na so sittong.​—1 Musa 11:2-9; Jesaya 13:1, 11; Pangungkapon 17:4-6; 18:4, 20.

   •   “Laut”​—akka halak na jahat na mangalo Debata.​—Jesaya 57:20; Pangungkapon 13:1; 21:1.

   •   Akka bagian na adong di tabernakel najolo na dipakke lao manomba Debata, songon poti parpadanan, laut kaca (laut tombaga), lampu, manutung dupa, dohot langgatan inganan manutung pelean.​—2 Musa 25:10, 17, 18; 40:24-32; Pangungkapon 4:5, 6; 5:8; 8:3; 11:19.

   •   Binatang buas​—lambang ni pamarettaon ni jolma.​—Daniel 7:1-8, 17-26; Pangungkapon 13:2, 11; 17:3.

   •   Dipakke do angka-angka sebagai lambang.​—Pangungkapon 1:20; 8:13; 13:18; 21:16.

4.   Akka parnidaan na di bukku on berkaitan tu “ari ni Tuan i”, i ma na dimulai taon 1914 dung jongjong Harajaon ni Debata, jala tikki mulai Jesus mamaretta gabe Raja. (Pangungkapon 1:10) Na lao saut do sude na dipaboa di bukku Pangungkapon i di tikkitta on.

5.   Dos songon lao mangattusi bukku na asing, porlu do hita manjalo bisuk sian Debata jala mangido bantuan sian halak na asing asa boi taattusi isi ni bukku Pangungkapon.​—Ulaon ni Apostel 8:26-39; Jakobus 1:5.