Tarboto sahalak istri do suamina manonton pornografi. Nungnga mangido maaf suamina i tu istrina jala marjanji dang diulahon be. Alai, diulangi ibana do muse manonton pornografi jala tarboto istrina do muse.

 Hea do hamu maol pasohon kebiasaan manonton pornografi? Molo i do, porlu do diattusi hamu molo kebiasaan i boi mambahen haccit roha pasanganmuna. Jala porlu do diattusi hamu songon dia carana pasohon ulaon i. a

Na lao dibahas di artikel on

•  Na porlu diboto hamu

•  Na porlu diulahon hamu

•  Molo suamimuna na manonton pornografi

 Boi do hancur perkawinan alani pornografi. Molo ditonton sasahalak pornografi, boi do i mambahen sogo roha ni pasanganna. Ujungna gabe dang porsea be pasanganna i tu ibana. b

 Perasaan ni istri molo suamina manonton pornografi:

•   Merasa dikhianati. Sahalak istri na margoar si Sarah mandok, “Hira na marulak-ulak do selingkuh suamikku.”

•   Merasa dang berharga. Sahalak istri paboahon molo kebiasaan ni suamina manonton pornografi, mambahen ibana merasa dang berharga jala maila.

•   Dang porsea be tu suamina. Sahalak istri na margoar si Helen mandok, “Gabe torus do au curiga tu suamikku.”

•   Mabiar. Sahalak istri na margoar si Catherine mandok, “Gabe mabiar do au ganup ari mamikkiri kebiasaan ni suamikku.”

 Rimangi ma: Didok di Bibel ikkon dihaholongi suami do istrina. (Epesus 5:25) Molo holong sahalak suami tu istrina, tottu dang olo ibana mambahen istrina makkilala songon na dipaboa nakkin.

 Dang mura pasohon kebiasaan manonton pornografi. Sahalak istri na margoar si Stacey mandok, “Boi do dipaso suamikku kebiasaanna mar-sigaret, mar-narkoba, dohot mabuk. Alai sahat tu saonari, maol hian do dipaso ibana kebiasaan manonton pornografi.”

 Molo songon i do situasimuna, boi do diihutton hamu akka saran on lao pasohon kebiasaan na so denggan i.

•   Ikkon diattusi hamu bahaya situtu do pornografi i. Pornografi boi mambahen sasahalak gabe egois. Alana, holan hisap-hisap ni dagingna do na dipikkiri. Jadi dang adong be holong dohot saling percaya, jala boi do i mambahen hancur perkawinan ni nasida. Halak na manonton pornografi i pe dang pasangappon Jahowa, Debata na mamukka perkawinan.

   Prinsip ni Bibel: “Ikkon sangap do pardongan saripeon dibahen sude halak.”—Heber 13:4.

•   Unang ma salahon halak na asing. Unang ma didok hamu, ‘Alana dang diparrohahon istrikku do umbahen au manonton pornografi.’ Dang cocok sabotulna disalahon hamu istrimuna. Molo dibahen hamu songon i, tikki adong annon na hurang dibahen istrimuna, gabe sai adong ma sidalianmuna lao manonton pornografi.

   Prinsip ni Bibel: “Diuji do ganup halak ala ditarik jala dijorat sakkap-sakkapna sandiri.”—Jakobus 1:14.

•   Jujur ma tu pasanganmuna. Sahalak bawa na margoar si Kevin mandok: “Ganup ari, jujur do au tikki makkatai dohot istrikku. Hupaboa do tu ibana molo adong na so pantas na huida, jala hupaboa do tong molo nungnga marhasil hurajai dirikku asa dang mangida i be. Ujungna gabe porsea ma istrikku tu au.”

   Prinsip ni Bibel: “Lomo do rohanami asa jujur di saluhutna.”—Heber 13:18.

•   Tetap ma hati-hati. Nang pe nungnga martaon-taon dipaso hamu kebiasaan manonton pornografi, alai boi do ro muse hisap-hisap ni daging i. Si Kevin na dipaboa nakkin mandok, “Nungnga sappulu taon hupaso kebiasaan manonton pornografi, jala hurippu nungnga sae be masalahna. Alai toktong do adong hisap-hisap ni daging i. Di sasada tikki, mulak do muse kebiasaan i.”

   Prinsip ni Bibel: “Manang ise na mandok tu dirina sandiri, ‘Hot do au jongjong’, manat ma ibana asa unang madabu.”—1 Korint 10:12.

•   Rajai ma dirimuna tikki ro muse hisap-hisap ni daging i. Boi do toppu ro kebiasaan i di tikki na so taduga. Alai, boi do tapillit asa dang taulahon kebiasaan i. Jadi tikki ro muse hisap-hisap ni daging i, alo ma i marhite mamikkiri akka na denggan. Gabe hatop ma mago hisap-hisap ni daging i.

   Prinsip ni Bibel: “Ikkon sude do hamu mamboto songon dia mangarajai dagingna be, asa sangap hamu jala badia. Unang ma ihutton akka bangso na so mananda Debata, na so boi mangarajai hisap-hisap ni dagingna.”—1 Tessalonik 4:4, 5.

•   Ikkon diattusi hamu ma akka situasi na boi mambahen ro muse kebiasaan na sala i. Buku Willpower’s Not Enough (Dang Sae Holan Keinginan) mandok, “Tikki hamu adong di situasi na mambahen hamu tergoda, dipatudos ma i songon dipangolu hamu korek api. Holan otik pe bensin dilean . . . pittor marjimbur do sude.”

   Prinsip ni Bibel: ‘Unang adong akka na jahat na mangarajai au.’—Psalmen 119:133.

•   Unang menyerah. Olo do ra porlu tikki martaon-taon asa porsea muse pasanganmuna tu hamu. Alai unang ma menyerah. Godang do naung marhasil mangulahon i.

   Prinsip ni Bibel: “Halak na marholong ni roha i sabar.”—1 Korint 13:4.