Mananda Akka Bukku na di Bibel
Akka video pendek on paboahon taringot latar belakang dohot garis besar ni akka bukku na di Bibel. Bege hamu ma akka video on tikki manjaha jala mamparsiajari Bibel.
Taringot Bibel
Di video on dipaboa ma, sada do tema ni sude bukku na adong di Bibel, i ma taringot pabadiahon goar ni Jahowa na lao dipasaut marhite Harajaon ni Debata na diparetta Jesus Kristus.
Taringot Bukku 1 Musa
Bukku 1 Musa paboahon asal mula ni jolma, boasa jolma susa jala mate.
Taringot Bukku 2 Musa
Debata paluahon halak Israel sian Mesir jala mambahen nasida gabe bangsona.
Taringot Bukku 3 Musa
Taida ma songon dia bukku 3 Musa paboahon na badia do Debata jala boasa ikkon badia hita.
Taringot Bukku 4 Musa
Taida ma songon dia rikkot ni mangoloi Jahowa dohot mangoloi akka halak na dilantik Ibana lao mamimpin naposona.
Taringot Bukku 5 Musa
Botoonmuna ma songon dia holong ni Jahowa tu naposona tarida sian Patikna na dilehon tu halak Israel.
Taringot Bukku Josua
Botoonmuna ma songon dia bangso Israel manaluhon tano na dijanjihon Debata jala dibagi ma i tu nasida.
Taringot Bukku Panguhum
Bukku on taringot akka bawa na barani jala na togu haporseaonna, na dipakke Debata lao paluahon halak Israel sian musu.
Taringot Bukku Rut
Bukku Rut menceritahon taringot sahalak borua na mabalu na makkaholongi simatuana na tong mabalu. Dipaboa ma muse songon dia Jahowa mamasu-masu nasida na dua.
Taringot Bukku 1 Samuel
Ida ma sejarah ni halak Israel mulai sian jaman ni akka panguhum sahat tu jaman ni akka raja.
Taringot Bukku 2 Samuel
Ala serep roha ni si Daud jala sai diandalhon ibana Jahowa, gabe dihaholongi Jahowa ma ibana jala gabe sitiruon ma ibana tu halak na asing.
Taringot Bukku 1 Raja-Raja
Ida ma sejarah ni bangso Israel mulai sian pamarettaon ni si Salomo sahat tu na tarbagi dua harajaon i, gabe harajaon Israel na sappulu marga dohot harajaon ni Juda na dua marga.
Taringot Bukku 2 Raja-Raja
Ida ma songon dia halak Israel na di utara gabe maninggalhon Jahowa, alai dipasu-pasu Jahowa do akka halak na manomba Ibana sian nasa rohana.
Taringot Bukku 1 Kronika
Ida ma taringot na masa di ngolu ni Raja Daud mulai sian na mamaretta ibana gabe raja sahat tu na mate ibana. Jala ida ma muse taringot pinopparna.
Taringot Bukku 2 Kronika
Di video on dipaboa ma taringot sejarah ni akka raja ni Juda. Sian video on taboto ma massai penting do setia tu Debata.
Taringot Bukku Esra
Dipasaut Jahowa do janjina lao paluahon naposona sian penawanan di Babel jala lao padenggatton ibadat na sittong di Jerusalem.
Taringot Bukku Nehemia
Adong do parsiajaran na denggan na boi didapot naposo ni Jahowa saonari sian bukku Nehemia.
Taringot Bukku Ester
Molo diparsiajari hamu bukku Ester, gabe lam pos ma rohamuna na boi do Debata Jahowa paluahon naposona saonari.
Taringot Bukku Job
Diuji do sude halak na makkaholongi Jahowa. Pengalaman ni si Job mambahen pos rohatta na boi do hita setia tu Jahowa jala mendukung hak ni Jahowa mamaretta.
Taringot Bukku Psalmen
Bukku Psalmen mendukung hak ni Jahowa lao mamaretta, mangurupi jala mangapuli akka halak na makkaholongi Ibana, jala paboahon taringot Harajaon ni Debata na lao mambahen tano on gabe Paradeiso.
Taringot Bukku Poda
Ida ma akka nasehat na sian Debata taringot parngoluotta siganup ari. Misalna, taringot bisnis dohot taringot keluarga.
Taringot Bukku Parjamita
Dipaboa Raja Salomo do aha sasittongna na ikkon talului di ngolutta on jala aha na so porlu talului.
Taringot Buku Jesaya
Jesaya i ma bukku na marisi surirang na takkas na patoguhon haporseaotta tu Jahowa na toktong manggohi akka janjiNa jala na gabe Debata sipalua hita.
Taringot Buku Jeremia
Toktong do si Jeremia marsihohot di ulaonna gabe panurirang nang pe dianiaya. Rimangi ma songon dia ibana gabe sitiruon tu halak Kristen saonari.
Taringot Buku Andungandung
Bukku Andung-Andung disurat panurirang Jeremia, jala paboahon lungun ni roha mangida Jerusalem naung diropukkon jala songon dia hamubaon boi parohon asi ni roha ni Debata.
Taringot Buku Hesekiel
Nang pe mangadopi situasi na borat di parngoluonna, alai serep do roha ni si Hesekiel jala barani do ibana mangulahon tugas sian Jahowa. Sitiruon na dilehon ibana marlaba tu hita saonari.
Taringot Buku Daniel
Toktong do si Daniel dohot tolu donganna marsihohot nang pe adong sitaonon. Sitiruon sian nasida dohot akka surirang na dipaboa di buku on, marlaba do tu hita saonari.
Taringot Buku Hosea
Surirang ni si Hosea mangalehon parsiajaran na rikkot tu hita taringot asi ni roha na dipatudu Jahowa tu halak na marhamubaon dohot panombaon na dihalomohon rohaNa.
Taringot Buku Joel
Disurirangkon si Joel do taringot tu “ari ni Jahowa” dohot songon dia carana asa boi mandapot haluaon. Digohi ma surirangna i di tikkinta saonari.
Taringot Buku Amos
Ala serep do roha ni si Amos, disuru Jahowa ma ibana mangulahon ulaon na rikkot. Aha do na boi taparsiajari sian si Amos?
Taringot Buku Obaja
On ma bukku na umjempek di Akka Bukku Heber. Surirang na disurat paboahon pakkirimon dohot janji, i ma na lao gabe parhuaso jala mamaretta ma Jahowa.
Taringot Buku Jona
Olo do si Jona dipodai, diulahon do tanggungjawabna, jala dapotna do parsiajaran na rikkot sian holong dohot asi ni roha ni Debata. Pengalamanna boi mangurupi hamu.
Taringot Buku Mika
Surirang on boi paposhon rohatta, holan ulaon na tolap gogotta do na dipangido Jahowa asa taulahon jala on marlaba tu hita.
Taringot Buku Nahum
Surirang on paposhon rohatta na pasauton ni Jahowa do sude hataNa jala dilehon do pangapulion tu sude jolma na mangalului hadameon dohot haluaon marhite HarajaonNa.
Taringot Buku Habakuk
Pos ma rohatta, diboto Jahowa do tikki dohot cara na pas lao paluahon naposoNa.
Taringot Buku Sepania
Unang ma tadok, dang ro ari ni Jahowa i. Boasa?
Taringot Buku Haggai
Surirang on paboahon, ikkon Debata do na tajumolohon sian manang aha pe.
Taringot Buku Sakaria
Piga-piga parnidaan dohot akka surirang na patoguhon roha ni naposo ni Debata najolo. Akka surirang on pe toktong paposhon rohatta tu pangurupion ni Jahowa sahat tu saonari.
Taringot Buku Maleaki
Marisi surirang na patuduhon sai hot do holong, uhum, dohot asi ni roha ni Jahowa. Surirang on pe gabe parsiajaran na rikkot di tikkinta saonari.
Taringot Buku Mateus
Denggan ma parsiajari akka hatorangan na rikkot sian bukku Mateus, sada sian opat Injil di Bibel.
Taringot Buku Markus
Injil na umjempek, bukku Markus patuduhon akka aha na lao ulahonon ni Jesus dung gabe Raja di Harajaon ni Debata.
Taringot Buku Lukas
Aha do na mambahen isi ni bukku Lukas imbar sian na asing?
Taringot Buku Johannes
Bukku Johannes paboahon taringot holong ni Jesus dohot serep ni rohana. Dipaboa do muse Jesus i do Messias jala ibana do na gabe Raja di Harajaon ni Debata.
Taringot Buku Ulaon ni Apostel
Marsitutu do halak Kristen najolo mangurupi akka halak sian saluhut bangso, asa boi gabe sisean ni Jesus. Bukku on mangurupi hita asa ringgas marbarita na uli.
Taringot Buku Rom
Hatorangan na paboahon dang olo Debata paimbar-imbarhon halak, jala rikkot do porsea tu Jesus Kristus.
Taringot Buku 1 Korint
Surat ni si Paulus on marisi poda asa marsada, marpangalaho na denggan, makkaholongi, jala porsea tu haheheon.
Taringot Buku 2 Korint
Jahowa, “Debata Sipangapul na sumurung” patoguhon jala mangurupi akka naposona.
Taringot Buku Galatia
Adong dope guna ni surat ni si Paulus tu halak Galatia on tu hita saonari. Molo tajaha i, diurupi ma hita asa toktong marsihohot.
Taringot Buku Epesus
Bukku on mangulas taringot sakkap ni Debata, i ma asa marsada halak Kristen jala dame marhite Jesus Kristus.
Taringot Buku Pilippi
Molo togu hita mangadopi paraloan, boi do i patoguhon na asing.
Taringot Buku Kolosse
Las ma roha ni Jahowa molo taulahon akka naung taparsiajari, molo rade manalpuhon hasalaan ni na asing, jala mangattusi peran dohot huaso ni Jesus.
Taringot Buku 1 Tessalonik
Ikkon toktong do jaga hita, “uji ma sasude, tapastihon ma dia na sintong”, “sai martangiang ma”, jala masipatoguan ma hita tu dongan na asing.
Taringot Buku 2 Tessalonik
Dipaboa si Paulus do dang tutu barita na mandok naung ro ari ni Jahowa i, jala dipatogu ibana do akka dongan asa toktong marsihohot tu Jahowa.
Taringot Buku 1 Timoteus
Di bukku 1 Timoteus, dipaboa si Paulus do taringot songon dia manguluhon huria, asa jaga tu ajaran na sala jala asa unang holongan di hepeng.
Taringot Buku 2 Timoteus
Dipatogu si Paulus do si Timoteus asa marhobas sian nasa gogo.
Taringot Buku Titus
Surat ni si Paulus tu si Titus on mangulas taringot parsoalan na adong di huria Kreta, jala dipaboa ibana do syarat molo naeng gabe sittua.
Taringot Buku Pilemon
Jempek do surat on, alai diajari do hita asa marserep ni roha, marasi ni roha, jala manalpuhon hasalaan ni dongan.
Taringot Buku Heber
Dumenggan do fondasi haporseaon ni halak Kristen sian apala bagas joro dohot akka pelean binatang.
Taringot Buku Jakobus
Dipakke si Jakobus do tudosan lao patorakkon akka prinsip na ikkon diulahon halak Kristen.
Taringot Buku 1 Petrus
Bukku sada Petrus manjujui hita asa ringgas jala pasahatton sude holso ni rohatta tu Debata.
Taringot Buku 2 Petrus
Bukku dua Petrus manjujui hita asa toktong marsihohot huhut paimahon langit na imbaru dohot tano na imbaru.
Taringot Buku 1 Johannes
Dipaboa do di bukku on taringot antikristus dohot holong.
Taringot Buku 2 Johannes
Di bukku on, dipaingot do hita asa toktong mardalan di hasittongan jala pasidikkon halak na murtad.
Taringot Buku 3 Johannes
Dijujui do hita asa rade manjakkon akka dongan.
Taringot Buku Judas
Dipaboa si Judas do cara na dibahen akka halak lao manipu dohot manegai halak Kristen.
Taringot Buku Pangungkapon
Akka parnidaan di bukku Pangungkapon paboahon songon dia Harajaon ni Debata lao pasauthon lomo ni roha ni Debata di tano on.
