”Ida lakar ngusap sakancan yeh paningalannyane. Sang pati suba tusingja enu. Tusing enu ada kaduhkitan, eling wiadin sakit. Sawatek paundukan ane lawas suba sirna.”​—Wahyu 21:4, Cakepan Suci.

Ngelah gegaén ané nyenengin lan ngaénang puas.​—Nabi Yesaya 65:21-23.

Tusing buin ada penyakit lan pakéweh.​—Nabi Yesaya 25:8; 33:24.

Idup bagia saterusné ajak kluarga lan timpal-timpal.​—Kidung 37:11, 29.

Bisa, paling sing ada dadua alasanné:

• Tuhan sanggup ngisinin janjin Idané. Di Alkitab, Yehuwa kasebut ”Sang Maha Kuasa,” krana kuasan Ida tusing ada batasné. (Wahyu 15:3) Dadiné, Ida seken-seken ngidaang ngisinin janjin Idané buat ngubah guminé apang dadi luung. Alkitab ngorahang, ”buat Ida Sang Hyang Widi Wasa tusing ada ane tuara kasidan.”​—Matius 19:26.

• Tuhan makita sajaan ngisinin janjin Idané. Contoné, Yehuwa rindu ngidupang buin anak ané suba mati.​—Ayub 14:14, 15.

  Alkitab masih nunjukang yén Yesus, Putran Tuhan, taén nyegerang anak ané gelem. Kenapa ia malaksana buka kéto? Krana ia mula seneng nulungin. (Markus 1:40, 41) Persis cara Bapané, Yesus makita pesan nulungin anak lénan.​—Yohanes 14:9.

  Iraga bisa marasa yakin yén Yehuwa lan Yesus seneng nulungin iraga apang ngelah masa depan ané bagia!​—Kidung 72:12-14; 145:16; 2 Petrus 3:9.