”Ida Sang Hyang Widi Wasa pacang malih nguripang anake sane sampun sue padem.”​—Nabi Yesaya 26:19, Cakepan Suci.

Kahibur yén ada anak ané kasayangang ngalain mati.​—2 Korintus 1:3, 4.

Bebas uli rasa bes takut tekén kematian.​—Ibrani 2:15.

 Ngelah harapan pasti lakar matemu buin ajak nyénja ané kasayangang ané suba mati.​—Yohanes 5: 28, 29.

Bisa, paling sing ada telu alasanné:

• Tuhan ento Sang Pencipta. Alkitab ngorahang Ida Yehuwa ”sane mapaica urip miwah angkihan”. (Pamargin Parautusan 17:24, 25; Kidung 36:9) Sang Pencipta ané ngemaang kaidupan pasti sanggup ngidupang buin anak ané suba mati.

• Ipidan, Tuhan suba taén ngidupang buin anak ané suba mati. Alkitab nyatet ada kutus kejadian kebangkitan​—anak bajang, tua, eluh lan muani​—ané buin idupanga di guminé. Ada ané mara ngalain mati, ada masih ané suba mati petang dina!​—Yohanes 11:39-44.

• Tuhan rindu ngidupang buin anak ané suba mati. Yehuwa tusing seneng tekén kematian; Ida nganggep kematian ento musuh. (1 Korintus 15:26) Ida suba tusing sabar ngalahang musuhé ento nganggo kebangkitan. Ida makita pesan ngidupang anaké ané ada di ingetan Idané lan ningalin ipun idup buin di guminé.​—Ayub 14:14, 15.