Iraga ajak makejang perlu pipis anggon meli kebutuhan pokok. (Pitutur 30:⁠8) Pipis bisa ”ngawinang ragane rumasa tentrem.” (Guru Pangajian 7:12) Suami istri bisa dogén marasa kéweh maitungang unduk pipis, eda kanti pipisé ento nekaang masalah di perkawinan ragané. (Epesus 4:32) Ragané harus saling pracaya lan bareng-bareng nentuang carané nganggon pipis.

APA AJAHAN CAKEPAN SUCI: ”Yening wenten ring pantaran ragane sane mamanah ngwangun bale gede, janten ipun mapineh dumun ngetangang prabea, punapike ipun cukup madue jinah buat jagi muputang pakaryane punika.” (Lukas 14:28) Penting sajaan yéning ragané ajak dadua ngaé rencana nganggon pipis. (Nabi Amos 3:⁠3) Putusang apa ané lakar kabeli lan amongkén liuné ané sanggup kablanjaang. (Pitutur 31:16) Yapin ragané ngelah pipis, eda ngedotang barang ané tusing perlu. Utsahaang apang tusing kanti ngelah utang. Eda koos mablanja.—⁠Pitutur 21:5; 22:⁠7.

ANÉ BISA KAJALANANG:

• Yén ragané ngelah pipis lebih di akhir bulan, putusang bareng-bareng lakar anggon apa pipisé ento

• Tungkalikané, yén tusing ada sisan pipis melahang ngaé rencana buat ngendaliang pengeluarané. Contoné, ragané bisa masak padidi bandingang tekén meli

APA AJAHAN CAKEPAN SUCI: Penting sajaan ”buat nglaksanayang paindikan sane patut boya wantah ring ayun Ida Sang Panembahan, nanging taler ring arepan manusane.”(2 Korintus 8:21) Jujurja ngorahang akuda pemasukan lan pengeluaran ragané tekén kurenan.

Omongang malu ajak kurenané sabilang ngaé kaputusan penting unduk mesuang pipis. (Pitutur 13:10) Unduké ené bisa ngasilang damai di perkawinan ragané. Ingetang, pemasukan ragané tusingja gelah déwék padidi, kéwala gelah ajak dadua.—⁠1 Timotius 5:⁠8.

ANÉ BISA KAJALANANG:

• Sepakatin amongkén liuné dadi mlanjaang pipis ané tusing merluang persetujuan pasangan

• Yén urusan pipis enggalang mapitungan, eda kanti suba ada masalah mara ngomong