”Tan wenten sabda sane wetu saking pepineh manusa.”​—2 Petrus 1:21, Cakepan Suci.

Maan jawaban ané jelas uli patakon-patakon penting unduk kaidupan.​—Pitutur 2:1-5.

Ngelah tuntunan ané bisa kapracayain buat nyalanin idup sabilang wai.​—Kidung 119:105.

Ngelah harapan ané suba pasti di masa depan.​—Roma 15:4.

Bisa, paling sing ada telu alasanné:

• Isinné adung. Alkitab katulis lebian tekén 1600 tiban lan penulisné ada 40 anak ané malénan. Liu penulisné tusing taén matemu. Kéwala, isin bukuné makejang adung lan témané tuah abesik!

• Sejarah ané jujur. Para sejarawan biasané ngengkebang kelemahan bangsan ipunné. Kéwala, para penulis Alkitab terus terang nulisang kajelékanné padidi lan bangsané.​—2 Babad 36:15, 16; Kidung 51:1-4.

• Nubuat ané bisa kapracayain. Alkitab ngeramalang kekalahan kota Babilon uli 200 tiban satondéné. (Nabi Yesaya 13:17-22) Tusing tuah nyelasang kéngkén carané kota Babilon kakalahang, bahkan adan pamimpin pasukané masih kasebutang!​—Nabi Yesaya 45:1-3.

  Liu nubuat Alkitab lénan masih suba dadi kenyataan kanti ka perincian ané paling cenik. Tusingké ené nunjukang yéning Alkitab ento buku uli Tuhan?​—2 Petrus 1:21.