19 MART 2024 | YENİLƏNİB: 23 APREL 2024
RUSİYA

«Onun mənə güc verdiyinə zərrə qədər də şübhə etmirəm» | YENİLƏNİB. ƏR-ARVAD MƏHKUM EDİLDİ

PLAY

22 aprel 2024-cü il tarixində Kamçatka Vilayətinin Petropavlovsk-Kamçatskiy Şəhər Məhkəməsi Serqey Çeçulin və yoldaşı Yelena Çeçulinanı təqsirli bilərək iki il müddətinə şərti həbs cəzasına məhkum etdi. Cəza şərti olduğu üçün onlar həbsxanaya salınmayacaq.

Dindaşlarımız barədə məlumat

Serqey Çeçulin

Doğulduğu il: 1968 (Kamçatka vilayəti, Tımlat)

Bioqrafiya: Uşaq evində böyüyüb. İstilik enerjisi istehsal edən şirkətdə usta işləyir.

Müqəddəs Kitabı öyrənməyə başlayan dostu onu Yehovanın Şahidlərinin ibadət görüşünə dəvət etdi. Serqey suallarına məntiqli cavablar tapdı. 1995-ci ildə vəftiz olundu.

2000-ci ildə Yelena ilə ailə qurub. Onların bir oğlu var.

Müsahibə

Müqəddəs Kitabın hansı ayəsi sənə və həyat yoldaşına xüsusilə kömək edib?

Bizdən başqa yerə getməmək barədə iltizam alındı, avtomobilimiz müsadirə olundu və bank hesablarımız donduruldu. Buna baxmayaraq, indi biz Zəbur 55:22 ayəsindəki sözlərin mənasını daha aydın başa düşürük. Orada yazılıb: «Sən qayğı yükünü Yehovaya ver, O, sənə dayaq olar, O, heç vaxt saleh insanı yıxılmağa qoymaz». Yehova söz verib ki, bizə dayaq olacaq və sözünün üstündə durdu. Həqiqətən də sınaqlar zamanı gücümüz tükənmədi. Biz Yehovaya və bacı-qardaşlarımıza indi daha çox güvənirik. Ona xidmətdə əlimizdən gələni etməyə qəti qərarlıyıq.

Yelena Çeçulina

Doğulduğu il: 1978 (Petropavlovsk-Kamçatskiy)

Bioqrafiya: Tibb bacısı işləyir.

Yelenanın anası Yehovanın Şahidləri ilə Müqəddəs Kitab dərslərinə başladı. Bu, Yelenanı Allah haqqında öyrənməyə təşviq etdi və o, Müqəddəs Kitab dərslərinə başladı. Yelena 2000-ci ildə vəftiz olundu.

2000-ci ildə Serqeylə ailə qurub.

Müsahibə

Bu çətinlik sənə Yehova haqda nə öyrətdi?

Fikir vermişəm ki, həyatımda vəziyyət dəyişdikcə, bu mənə Müqəddəs Kitabı daha dərindən anlamağa kömək edir. Məsələn, hal-hazırda üzləşdiyim çətinlikdə Bulusun Romalılara 8:38, 39 ayələrində yazdığı sözləri daha yaxşı başa düşürəm. Orada deyilir: «Mən əminəm ki, nə ölüm, nə həyat, nə mələklər, nə hakimiyyətlər, nə indiki şeylər, nə gələcək şeylər, nə bir qüvvə, nə hündürlük, nə dərinlik, nə də mövcud olan başqa bir şey bizi Ağamız Məsih İsa vasitəsilə ifadə olunan Allahın məhəbbətindən ayıra bilməz». Əgər Yehova məni sevdiyini göstərmək istəyirsə, Ona heç nə mane ola bilməz. Yehova məhəbbətini elə üsullarla göstərir ki, məhz Onun mənə güc verdiyinə zərrə qədər də şübhə etmirəm. Yehova xidmətçilərinə olan sevgisini heç vaxt gizlətmir. Bilirəm ki, indiki çətinliklər mənə gələcəkdəki sınaqlara tab gətirməyə kömək edəcək.

Serqey və Yelena kimi, biz də Allahın kamil hədiyyəsi olan Müqəddəs Kitabı qiymətləndiririk. Çünki o bizə həm güc, həm də sınaqlar zamanı Allaha sadiq qalmağımız üçün müdriklik verir (Zəbur 19:7).

Hadisələrin gedişatı

25 sentyabr 2022-ci il

Cinayət işi açıldı
17 oktyabr 2022-ci il

Evlərində axtarış aparıldı
6 sentyabr 2023-cü il

Serqey başqa yerə getməmək barədə iltizam aldı
7 sentyabr 2023-cü il

Yelena başqa yerə getməmək barədə iltizam aldı
26 dekabr 2023-cü il

Cinayət üzrə məhkəmə icraatı başladı

Həmçinin sizin üçün maraqlı ola bilər

XƏBƏRLƏR

Əqidə məhbusları. Rusiya

Rusiyada Yehovanın Şahidləri əqidələrinə görə həbs olunur. Onların həyat hekayələrini oxuyun və hal-hazırda həbsdə olanların siyahısına nəzər salın.

XƏBƏRLƏR