27 MART 2024
RUSİYA

Onlar qətiyyətli, hazırlıqlı və nikbindirlər

PLAY

Barnaul Şəhərinin Leninski Rayon Məhkəməsi (Altay vilayəti) tezliklə qardaşlarımız Yuri Kolotinski, Mixail Reşetnikov və Anatoli Sarıçevin işi üzrə qərarını elan edəcək. Prokuror onlar üçün istədiyi cəza növünü hələ bildirməyib.

Dindaşlarımız barədə məlumat

Yuri Kolotinski

Doğulduğu il: 1955 (Moldova)

Bioqrafiya: Mədən sənayesində ağır texnika operatoru işləyib

1977-ci ildə Nataliya ilə ailə qurub

Nəyə görə bu qədər əzab-əziyyətin olması onu həmişə düşündürürdü. Yehovanın Şahidləri ilə Müqəddəs Kitabı araşdırandan sonra suallarına aydın cavab aldı. Həm Yuri, həm Nataliya 1995-ci ildə vəftiz olundular

Müsahibə

Hansı Müqəddəs Kitab hadisəsi səni Yehovanın dəstəyinə əmin etdi?

İsraillilər Misirdən çıxandan sonra başlarına gələnlər haqqında tez-tez düşünürəm. Səhrada olduqları müddət ərzində Yehova onlara bələdçilik etdi, qorudu. Elə bil, eyni şeyi mənim üçün də edir. Hər dəfə məhkəməyə gedəndə Yehovanın qarşımda getdiyini təsəvvür edirəm. Yehovanın dəstəyini hiss etdikcə Onun məni sevdiyinə əmin oluram. Bilirəm ki, nə olursa olsun, Ona sadiq qalmağa mənə güc verəcək. Hələ heç vaxt imanım indiki qədər möhkəm olmayıb. Mən qətiyyətlə deyə bilərəm ki, düz yoldayam və Yehovanın adını müdafiə etmək üçün əlimdən gələn hər şeyi etməyə hazıram.

Mixail Reşetnikov

Doğulduğu il: 1949 (Kirov vilayəti, Maksiner)

Bioqrafiya: 50 ildən çox avtobus və yük maşını sürücüsü işləyib

Birinci həyat yoldaşı xərçəngdən vəfat edib. Onların bir oğlu və bir qızı var. 2021-ci ildə Antonina ilə ailə qurub

Müqəddəs Kitabla bağlı sualları var idi. Amma kilsədə onlara cavab tapa bilməmişdi. Yehovanın Şahidləri ilə Müqəddəs Kitabı araşdırmağa başlayandan sonra həqiqəti tapdı. 2000-ci ildə vəftiz olundu

Müsahibə

Təqiblərə əvvəlcədən hazırlaşmağın sənə hansı köməyi dəydi?

Bacı-qardaşlarımız həbs olunmağa başlayandan Yehovaya dua edirdim ki, üzləşəcəyim hadisələrə hazırlıqlı olum, təmkinimi qoruyum və hikmətli davranım. Dəfələrlə əmin olmuşam ki, O, dualara həmişə düz vaxtında cavab verir. Şübhəm yoxdur, Yehova həmişə yanımdadır. Buna görə də məhkəmənin qərarı nə olursa olsun, mən heç nədən qorxmuram. Yehovanın köməyilə mən sona qədər sadiq qalacağam.

Anatoli Sarıçev

Doğulduğu il: 1949 (Altay vilayəti, Karpovo)

Bioqrafiya: Təqaüdə çıxmamışdan əvvəl qrafik-dizayner işləyib

1990-cı ildə Nadejda ilə ailə qurub. Bir oğulları var

Cərrahiyyə əməliyyatından sonra Yehovanın Şahidləri ilə tanış olub. Yehovanın zorakılığa və əzab-əziyyətə son qoyacağına dair vədləri onu çox ruhlandırdı. Nadejda 2001-ci ildə, Anatoli isə 2002-ci ildə vəftiz olundu

Müsahibə

Vəziyyətinə nikbin baxmağa sənə nə kömək edir?

1 Butrus 3:14 ayəsində yazılanlar barəsində tez-tez düşünürəm: «Salehlik uğrunda əzab çəksəniz də, siz xoşbəxtsiniz». Həvarilər təbliğ etdiyi üçün fərisilər onları təqib edirdilər. Həvarilər İsanın adı naminə təhqirlərə dözürdülər və bu onlara sevinc gətirirdi. Mən də onlar kimi olmaq istəyirəm. Təqib olunduğum üçün ruhdan düşmürəm. Əksinə, ürəyim toxtaqlıq tapır, çünki birinci əsrdəki məsihilərin və İsa Məsihin izləri ilə gedirəm.

Biz müasir dövrdə Yehovaya iman və güvənc nümunələri olan bacı-qardaşlarımıza görə minnətdarıq. Biz əminik ki, Yehovanın məhəbbəti və sədaqəti onlara yar olacaq (Zəbur 25:10).

Hadisələrin gedişatı

25 may 2021

Mixail barəsində cinayət işi açılır
27 may 2021

Mixailin evində axtarış aparılır. O və Antonina sorğu-suala çəkilir. Mixaildən başqa yerə getməmək barədə iltizam alınır
6 oktyabr 2022

Anatoli və Yuri barəsində cinayət işi açılır. Onların işi Mixailin işi ilə bir icraatda birləşdirilir
7 oktyabr 2022

Anatoli və Yuridən başqa yerə getməmək barədə iltizam alınır
19 yanvar 2023

Cinayət işi üzrə məhkəmə icraatı başlayır

Həmçinin sizin üçün maraqlı ola bilər

XƏBƏRLƏR

Əqidə məhbusları. Rusiya

Rusiyada Yehovanın Şahidləri əqidələrinə görə həbs olunur. Onların həyat hekayələrini oxuyun və hal-hazırda həbsdə olanların siyahısına nəzər salın.

XƏBƏRLƏR