Çoxları üçün irqi bərabərlik sadəcə bir xülyadır.

•    «İrqçilik hakimiyyət institutlarını, ictimai strukturları və insanların gündəlik həyatını zəhərləməyə davam edir. O, hələ də bərabərsizliyin arxasında duran əsas amildir» (Antonio Quterreş, BMT-nin Baş katibi).

 Nə vaxtsa irqi bərabərlik olacaq? Müqəddəs Kitabda bu barədə nə deyilir?

 Müqəddəs Kitab bu suala cavab verir.

•    «[Allah] bütün yer üzündə məskunlaşması üçün bir insandan hər xalqı yaratdı» (Həvarilərin işləri 17:26).

•    «Allah ayrı-seçkilik etməyən Allahdır, hər xalqın içində Ondan qorxan və düzgün iş görən adamdan razıdır» (Həvarilərin işləri 10:34, 35).

 Müqəddəs Kitabdan öyrənirik ki, bütün insanların kökü birdir və Allahın gözündə bütün irqlərdən olan insanlar bərabərdir.

 İrqi bərabərliyə Allahın Padşahlığı, yəni səmavi hökumət sayəsində nail olunacaq. Bu hökumət insanları bir-biri ilə düzgün rəftar etməyi öyrədəcək. İnsanlar irqçilik hissi ilə mübarizə aparmağı öyrənəcəklər.

•    «Yerin sakinləri salehliyi [öyrənəcəklər]» (Əşiya 26:9).

•    «Əsil salehlik sülh gətirəcək, əsil salehliyin bəhrəsi daimi dinclik, əmin-amanlıq olacaq» (Əşiya 32:17).

 Bu gün milyonlarla insan Müqəddəs Kitab sayəsində başqalarının ləyaqətini uca tutmağı, onlarla hörmətlə davranmağı öyrənirlər.

•    Daha çox məlumat almaq üçün «Qərəzə çarə varmı?» adlı «Oyanın!» jurnalını oxuyun.

•    «Uşaqla irqçilik barədə necə danışmaq olar?» adlı məqalə sizə uşağınızla bu mövzuda danışmağa kömək edə bilər.