Məsəllər 20:1—30
20 Şərab insanı gülünc edər,+ içki qalmaqal yaradar,+Onların ucbatından yolunu azan ağılsızdır.+
2 Padşahın zəhmi şir nərəsinə bənzər,+Onu qəzəbləndirən canına qəsd edir.+
3 Münaqişədən çəkinmək başucalığıdır,+Axmaqlar münaqişəyə girişər.+
4 Tənbəl qış düşdü deyə, şum şumlamaz,Biçin zamanı da heç nə tapmayıb dilənər*.+
5 Ürəyin düşüncələri dərin sulara bənzər,Bəsirətli adam onlarıçəkib çıxarar.
6 Çoxları yaxşılıqdan dəm vurar,Ancaq etibarlı insanı kim tapa bilər?
7 Saleh kamilliklə ömür sürər,+Ondan sonra gələn övladları da xoşbəxt olar.+
8 Padşah divan taxtına oturanda+Gözləri pisliyi xəlbirləyib üzə çıxarar.+
9 Kim deyə bilər: «Ürəyimi təmizləmişəm,+Günahımı yumuşam»?+
10 Əyri tərəzi və haram çəki.
Hər ikisi Yehovada ikrah yaradır.+
11 Hətta uşaq da əməllərindən tanınır,Oturuşu-duruşu təmizmi, dürüstmü bəlli olur.+
12 Eşidən qulaq, görən göz.
Hər ikisini Yehova yaradıb.+
13 Yatağan olma, yoxsullaşarsan,+Oyaq qal, onda çörək taparsan.+
14 Müştəri «pisdir, pisdir» deyər,Amma alıb gedəndən sonra öyünər.+
15 Qızıl qızıldır, mərcanlar da öz yerində,Amma ağılla danışan dil cavahirdir.+
16 Yad üçün zamin duranın libasını al,+Yadelli qadından ötrü zamin durarsa, ondan girov al.+
17 Fırıldaqla qazanılan çörək şirin gələr,Amma sonra ağzı çınqılla doldurar.+
18 Məsləhətli iş uğurlu olar;+Davanı ağıllı məsləhətlə apar.+
19 Böhtançı sirləri açıb yayar.+
Qeybətçilərlə oturub-durma.
20 Ata-anasına lənət edəninQaranlıq düşəndə çırağı sönər.+
21 Tamahla yiyələnmiş mirasınSonda xeyir-bərəkəti olmaz.+
22 Demə: «Pisliyin heyfini çıxacağam»,+
Ümidini Yehovaya bağla,+ O, səni qurtarar.+
23 Yehova haram çəkidən ikrah edir,Əyri tərəzi əsla yaxşı deyil.
24 İnsanın addımlarını yönəldən Yehovadır,+İnsan öz yolunu necə anlaya bilər?
25 Tez-tələsik: «Müqəddəsdir» deyib,+Sonradan dediyi nəziri fikirləşən özünütələyə salır.+
26 Müdrik padşah xəlbirləyib şər adamları üzə çıxarar.+
Onların üstü ilə vəl sürdürər.+
27 İnsanın nəfəsi Yehovanın çırağıdır,İnsan varlığının dərinliklərini araşdırır.
28 Lütf və doğruluq padşahı hifz edər,+Taxtı lütfkarlıqla bərqərar olar.+
29 Cavanın şərəfi onun gücüdürsə,+Ahılın şanı ağ saçlarıdır.+
30 Qançır və yara şərdən təmizləyər,+Kötək batini saf edər.
Haşiyələr
^ Digər variant: Biçin vaxtı heç nə tapmaz.
