Əşiya 43:1—28
43 Ey Yaqub, səni yaradan,Ey İsrail, sənə şəkil verən Yehova belə deyir:+
«Qorxma, çünki səni haqq ödəyib qurtardım,+Səni adınla çağırdım.
Sən Mənə məxsussan.
2 Suyun içindən keçsən də, səninlə olacağam,+Çaylardan keçsən də, batmayacaqsan,+Odun içindən keçsən də, yanmayacaqsan,Alov səni qarsamayacaq.
3 Axı Mən sənin Allahın Yehovayam,İsrailin Müqəddəsi, xilaskarınam.
Misiri sənin üçün fidyə verdim,Həbəşi, Sibanı əvəz olaraq verdim.
4 Mənə əziz oldun,+Səni şərəfləndirdim, səni sevdim,+Sənin əvəzinə insanları,Canının əvəzinə xalqları verəcəyəm.
5 Qorxma, Mən səninləyəm.+
Övladlarını gündoğandan gətirəcəyəm,Səni günbatandan toplayacağam.+
6 Şimala deyəcəyəm: “Onları burax!”+
Cənuba deyəcəyəm: “Onları saxlama!
Oğullarımı uzaqlardan, qızlarımı dünyanın ucqarlarından gətir,+
7 Adımla adlanan,+Şanıma xəlq etdiyim,Şəkil verib yaratdığım bütün o kəsləri”.+
8 Gözü ola-ola kor olan xalqı,Qulağı ola-ola kar olan xalqı gətir.+
9 Qoy bütün xalqlar bir yerə yığışsın,Ümmətlər toplaşsın.+
Onlardan hansı biri bunu deyə bilər?
Hansı biri ilk şeylər* barədə söyləyə bilər?+
Qoy haqlı çıxmaq üçün şahidlər gətirsinlər,Onlar da dinləyib desin: “Düzdür!”»+
10 Yehova bəyan edir: «Siz Mənim şahidlərimsiniz,+Bəli, seçdiyim qulumsunuz.+
Belə ki, Məni tanıyıb iman edəsiniz,Mənim həmişə eyni olduğumu dərk edəsiniz.+
Nə Məndən qabaq,Nə də Məndən sonra Allah mövcud olmayıb!+
11 Mənəm, Mənəm Yehova+, Məndən başqa xilaskar yoxdur!»+
12 «Aranızda yad allah yox ikənBəyan edən də, qurtaran da, bildirən də Mən olmuşam.+
Odur ki, siz Mənim şahidlərimsiniz, — deyir Yehova, — Allah da Mənəm.+
13 Mən həmişə eyniyəm,+Heç kim əlimdən heç nəyi qopara bilməz.+
Mən bir iş görəndə, kim mane ola bilər?»+
14 Sənin qurtarıcın+,İsrailin Müqəddəsi+ Yehova belə deyir:
«Sizin xatirinizə Babilə adam göndərib darvazanın rəzələrini sökəcəyəm,+Gəmilərdəki kəldanilər dərddən fəryad edəcək.+
15 Mən sənin Müqəddəsin+ Yehovayam,İsrailin Yaradanı,+ sənin Padşahın».+
16 Yehova, dənizdən yol açan, Gurlayan sularda cığır açan,+
17 Arabanı və atı,+Ordunu və igid cəngavərləri irəli çıxaran belə deyir:
«Onlar yerə səriləcək, qalxmayacaqlar.+
Yanan piltə kimi üfürüləcək, sönəcəklər».
18 «Əvvəlki şeyləri yada salmayın,Hey keçmişi düşünməyin.
19 Budur, Mən yeni bir iş görürəm,+Artıq ərsəyə gəlməkdədir,Məgər görmürsünüz?
Mən səhralıqda bir yol açacağam,+Səhrada çaylar axıdacağam.+
20 Çöl heyvanları, çaqqallar,Dəvəquşular Məni şərəfləndirəcək.
Səhralıqda su,Səhrada çaylar axıdıram ki,+Xalqım, seçilmişim+ içsin.
21 Bu xalqı Özüm üçün yaratmışam ki,Şənimə təriflər ucaltsın.+
22 Lakin sən ey Yaqub, Mənə üz tutmadın,+Çünki Məndən bezmişdin, ey İsrail.+
23 Yandırma qurbanı üçün qoyun gətirmədin,Qurban gətirib Mənə ehtiram göstərmədin.
Səni bəxşiş gətirməyə məcbur etməmişəm,Kündür tələb edib səni təngə gətirməmişəm.+
24 Pul verib Mənə ətirli qamış almadın,Qurbanlarının piyi ilə Məni doyuzdurmadın,+Əksinə, günahlarınla Məni yüklədin,Təqsirlərinlə Məni yordun.+
25 Öz xatirimə sənin asiliklərini silən Mənəm, Mən.+
Sənin günahlarını yada salmaram.+
26 Gəl ikimiz də iddiamızı ortaya qoyaq,Bəraət qazanmaq üçün dəlillər gətir, bir yadıma sal.
27 Sənin ilk əcdadın günah etdi,Sənin nümayəndələrin* Mənə asi çıxdı.+
28 Buna görə də, müqəddəs məkanın başçılarını rəzil edəcəyəm,Yaqubu məhvə verəcəyəm,İsraili təhqir hədəfi edəcəyəm.+
Haşiyələr
^ Ehtimal ki, gələcəkdə ilk baş verəcək şeylərə aiddir.
^ Ehtimal ki, qanun müəllimləri nəzərdə tutulur.