GƏNC ikən hansı məqsədləriniz var idi? Ola bilsin, ailə qurmaq, hansısa bacarığınızı təkmilləşdirmək və ya karyera qurmaq istəmisiniz. Amma, heyif ki, hər şey istədiyimiz kimi olmur. Gözlənilməz problemlər planlarımızı alt-üst edə bilər. Bu cür vəziyyətlə Anya, Delina və Qreqori də üzləşib.

• Almaniyada yaşayan Anyanın 21 yaşı olanda ona xərçəng diaqnozu qoyulmuşdu. İndi o demək olar ki, evdən çölə çıxa bilmir.

• Birləşmiş Ştatlarda yaşayan Delina distoniya adlanan sinir-əzələ pozuntusundan əziyyət çəkir. Bundan əlavə, o, özündən yaşca böyük üç əlil qardaşına baxır.

• Kanadada yaşayan Qreqori təşviş pozuntusu xəstəliyi ilə mübarizə aparır.

Çətinliklərə rəğmən, Anya, Delina və Qreqori həyatlarını öz əllərində saxlaya bilirlər. Onlar bunu necə bacarırlar?

Müqəddəs Kitabda belə bir məsəl var: «Dar gündə ruhdan düşsən, gücün tükənər» (Məsəllər 24:10). Bəli, hər şey insanın baxışından asılıdır. Necə deyərlər, bədbin insan vəziyyətin qulu, nikbin insan isə ağasıdır.

Anya, Delina və Qreqori bunun doğruluğuna öz təcrübələrindən əmin olublar. Gəlin görək necə.