Аллаһ һәр шејә гадир олан Аллаһдыр. Кәламында јаратдығы сајы-һесабы билинмәјән улдузлара даир белә сөзләр јазылыб: «Башынызы ҝөјләрә галдырыб бахын: бунлары ким јаратды? Рәбб ҝөј ҹисимләрини сыраја дүзүб чыхарар, онларын һамысыны адлары илә чағырар. Бол гүввәсинә, бөјүк гүдрәтинә ҝөрә онлардан һеч бири дә әскик олмаз» (Јешаја 40:25, 26).

Лакин Онун садәҹә олараг бөјүк бир гүввә олдуғуну дүшүнмәк дүзҝүн олмазды. Чүнки Мүгәддәс Јазылар Уҹа Јараданын мәһәббәт вә пислијә нифрәт кими һиссләрә малик олмасындан хәбәр верир (Зәбур, Мәзмур 11:5; Инҹил, Јәһја 3:16). Һәмчинин орада инсанларын етдикләринин Она хош ҝедиб-ҝетмәмәсиндән дә бәһс едилир (Зәбур, Мәзмур 78:40, 41).