Jesusajj aka oraqenkkäna ukhajja, jaqenakar wal munasitapwa uñachtʼayäna, pobrëpkäna wal tʼaqesipkäna ukanakatjja jukʼampiw sinttʼasïna (Mateo 9:36). Jaqenakar wal munasitapatwa jupanak laykojj vidap churäna (Mateo 20:28; Juan 15:13). Akat mä jukʼa tiemporojja, jaqenakar wal munasitapwa mayampi uñachtʼayani. Diosan Reinopan Reyipjamajja, aka oraqpachanwa pobre jakasiñ chhaqtayani.

 Bibliankir aka suma arunakwa Jesusajj phoqani:

•   “Jupajj marka taypinkir humilde jaqenakarojj arjjatpan, pobre jaqen wawanakaparojj salvpan” (Salmo 72:4).

 Kuntï Jesusajj lurawayki jutïrinsa lurkani ukat yuspäratas ¿kunjamsa uñachtʼaysna? Lucas 22:19 textonjja, Jesusajj jupan jiwatap amtapjjañapatakiw discipulonakapar mayïna. Uka arunakar istʼasaw Jehová Diosan Testigonakapajj Jesusan jiwatap amtañatakejj sapa mara tantachasipjje, uka urutakejj jumajj invittʼatarakïtawa. Aka marajja, domingo 24 de marzo uruw uka tantachäwejj apasini.

Kawkjanakansa Jesusan jiwatapajj amtasini