Aka oraqpachan utjki uka gobiernonakat janiw ni maynis sumankañ utjayañ puedkiti. Segunda Guerra Mundialajj utjawayki ukhat jichhakamajja, jukʼamp jan walinakanwa uñjasjjtanjja. Mä 2.000 millón jaqenakaw kawkjantï chʼajjwañanakajj utjki ukan jakapjje.

 ¿Kunatsa jaqenakajj sumankañ jan apaniñ puedipkaspa? ¿Bibliajj kamsisa?

1.  1. Bibliajj jichha tiempon jakir jaqenakat akham siwa: “Jaqenakajj akhamäpjjaniwa: jupanak pachpa munasirinaka, qollqe sinti munirinaka, pʼeqe waytat sarnaqerinaka, [...] jaqe masipar jaytanukurinaka, [...] jan kuna acuerdorus mantañ munirinaka, [...] munañapampi apnaqayasirinaka, qhorunaka, [...] jan amuytʼañ munirinaka, jachʼañchasirinaka” sasa. Ukhamäpjjatap laykojj janiw sumankañ utjayañatakejj chʼamachasipkisa (2 Timoteo 3:2-4).

2.  2. Jaqenakajja, mä qhawqhani mayachtʼasisasa jan ukajj sapa maynikisa, janipuniw Jehová a Diosan jan yanaptʼapampejj kuna jan walinakatï utjki ukanak askichañatakejj chʼamanïpkiti. Bibliajja, “janirakiw jaqerojj chellqtatanakap amtañas waktʼkiti” sasaw qhanañcharaki (Jeremías 10:23).

3.  3. Aka oraqpachajja “khititejj oraqen taqe jakirinakar engañjaski” ukamp apnaqatawa, mä arunjja Supayampi apnaqatawa, jupajj wali chʼamanirakiwa. Ukhamajja, ‘mundpachajj Supayan munañapankaskakini’ ukhajj jan walinakasa, guerranakas utjaskakiniwa (Apocalipsis 12:9; 1 Juan 5:19).

 Diosaw sumankañ apanini janiw jaqenakajja, sasaw Bibliajj qhanañchi.

•   “‘Kuntï nayajj jumanakatak amtaskta ukanak sum yatta’, siw Jehová Diosajja, ‘nayajj jumanakar sumankañ churapjjäma, janiw jan waltʼañ churapkämati. Nayajj mä suma suytʼäwi jutïritak churañ munapjjsma’” (Jeremías 29:11).

 ¿Diosajj kunjamsa uka promesap phoqani? Bibliajj akham siwa: “Akat mä jukʼa tiempotjja, niyaw sumankañ churir Diosajj [...] Supayar tʼunjani” sasa (Romanos 16:20). Diosajj alajjpachan uttʼayatäki uka gobiernop toqew sumankañ aka oraqer apanini. Bibliarmajja, uka gobiernojj ‘Diosan Reinopa’ satawa, uka Reinon Reyipajj Jesucristowa (Lucas 4:43). Jesusajj aka oraqjjar apnaqjjani ukhaw jaqenakajj suman jakasiñ yateqapjjani (Isaías 9:6, 7).

•   Uka toqet jukʼamp yatjjatañatakejja “¿Kunanaksa Diosan Reinopajj lurani?” siski uka yatichäwi liytʼäta.