Jesusajj aka oraqenkkäna ukhajja, jaqenakar wal munatapwa uñachtʼayäna, cheqas jaqenak laykojj vidapwa sacrificiot loqtasïna (Mateo 20:28; Juan 15:13). Akat mä jukʼa tiemporojja, jaqenakar wal munasitapwa mayampi uñachtʼayani. Diosan Reinopan Reyipjamajj ‘oraqpachanwa guerranakʼ chhaqtayani (Salmo 46:9).

 Jesusajj kuntï jutïrin lurkani uka toqet Bibliajj kamsisa uk uñjañäni:

•   “Jupaw yanaptʼa mayiñatak arnaqasir jaqerojj salvani, humilde jaqerusa jan khiti yanapirin jaqerus jupaw salvarakini. Humilde jaqetsa pobre jaqetsa sinttʼasiniwa, pobrenakan jakañ vidapsa salvaniwa. Jupaw tʼaqesiyirinakatsa nuwasir jaqenakatsa jupanakar salvani” (Salmo 72:12-14).

 Kuntï Jesusajj lurawayki jutïrinsa lurkani ukat yuspäratas ¿kunjamsa uñachtʼaysna? Lucas 22:19 textonjja, Jesusajj jupan jiwatap amtapjjañapatakiw discipulonakapar mayïna. Uka arunakar istʼasaw Jehová Diosan Testigonakapajj Jesusan jiwatap amtañatakejj sapa mara tantachasipjje, uka urutakejj jumajj invittʼatarakïtawa. Aka marajja, domingo 24 de marzo uruw uka tantachäwejj apasini.

Kawkjanakansa Jesusan jiwatapajj amtasini