¿Kunsa jutir urunakat suyta?
¿Aka oraqejj...
-
... pachpakïskpachäniti?
-
... jukʼampit jan waltʼpachäni?
-
... askichatäpachäniti?
¿KUNSA BIBLIAJJ YATICHI?
“Diosajj taqe jachanakapwa nayranakapat picharani, janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti. Kunanakatï nayrajj utjkäna ukanakajj tukusjjewa” (Apocalipsis 21:4, Machaq Mundon Jakirinakataki).
¿KUNJAMSA UK YATIÑAJJ YANAPTʼÄTAM?
Trabajitamajj janiw inamayäkaniti, sumaw jakasirakïta (Isaías 65:21-23).
Janiw tʼaqesiñasa ni usuntañas utj-jjaniti (Isaías 25:8; 33:24).
Familiamampi amigonakamampiw wiñayataki kusisit jakasjjäta (Salmo 37:11, 29).
¿KUNTÏ BIBLIAJJ YATICHKI UKAJJ CHEQAW SISSNATI?
Jïsa, uk pä toqet uñjañäni:
-
Diosajj kuntï arsuwayki uk phoqañatakejj chʼamaniwa. Bibliajj Jehová Diosat parlasakiw “Taqe Chʼamani” Dios sasin qhanañchi, kuna laykutejj chʼamapajj janiw tukuskaspati (Apocalipsis 15:3). Ukhamajj aka oraq sumaptayäw sasin arski ukjja phoqaniwa. Kunjamtï Bibliajj siskejja, “Diosatakejj taqe kunas lurasikispawa” (Mateo 19:26).
-
Diosajj kuntï arsuwayki uk phoqañ munapuniwa. Amuytʼañataki, Jehová Diosajj jiwatanakar wal jaktayañ muni sasaw Bibliajj qhanañchi (Job 14:14, 15).
Diosan Jesús Yoqapajj usutanakaruw qolläna sasaw Bibliajj qhanañcharaki. ¿Kunatsa ukham lurpachäna? Ukwa jupajj wal lurañ munäna (Marcos 1:40, 41). Kunjamsa Awkipajj tʼaqesitanakar wal yanaptʼañ muni ukwa Jesusan luratanakapajj uñachtʼayäna (Juan 5:19).
Ukhamajj Jehová Diosampi Jesusampejja, jutïrin wali kusisita jakasiñaswa munapjje (Salmo 72:12-14; 145:16; 2 Pedro 3:9).
LUPʼIÑATAKI
¿Kunjamsa Diosajj aka oraq sumaptayani?
Bibliankir aka textonakaw uka jisktʼar qhanañchi: MATEO 6:9, 10 ukat DANIEL 2:44.
Akanakajj inas gustarakiristam
YATIYAÑATAKI
Kunatï jutïrin paskani uka toqet cheqa yatichäwi
Jutïrin oraqejj kunjamäjjanisa, ukan jakirinakas kunjamansa jakasipjjani, uka toqet Diosajj kamsisa uk yatjjatam, ukhamat Diosar jukʼamp confiyañamataki.
ESSENTIAL BIBLE TEACHINGS
¿Kunas Diosan Reinopajja?
Aka oraqenkkasajja, Jesusajj Diosan Reinopatwa jaqenakar jukʼamp yatichirïna. Nayratpachaw jupan arkirinakapas uka Reino oracionan mayisisipki.
YATIYAÑATAKI
¿Kunsa Diosan Reinopajj lurani?
Aka oraqen utjki taqe uka jan walinakjja, Diosan Reinopakiw askichaspa, Jesusajj uk sum yatïna. Diosan Reinopar confiyañasatakejja ¿kunanaksa uka Reinojj lurawayi?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
