¿Khitis aka mundo apnaqaski?
¿Aka mundo apnaqerejj...
-
... Diosäpachati?
-
... jaqëpachati?
-
... Supayäpachati?
¿KUNSA BIBLIAJJ YATICHI?
“Mundpachajj Supayan munañapankiwa” (1 Juan 5:19, Machaq Mundon Jakirinakataki).
‘Diosan Yoqapajj Diablon luratanakap tʼunjañatakiw juti’ (1 Juan 3:8).
¿KUNJAMSA UK YATIÑAJJ YANAPTʼÄTAM?
Kunatsa aka mundon jan waltʼäwinakajj utji ukwa amuyäta (Apocalipsis 12:12).
Jutïrin wiñayatakiw jakasïta (1 Juan 2:17).
¿KUNTÏ BIBLIAJJ YATICHKI UKAJJ CHEQAW SISSNATI?
Jïsa, uk kimsa toqet uñjañäni:
-
Supayan gobiernopajj tʼunjatäniwa. Jehová Diosaw Supayan gobiernop qʼal tukjañ amtawayi. ‘Diablor tukjaña’ ukhamarak kuna jan walinaktï jupajj utjayawayki ukanak askichañwa Diosajj arsuwayi (Hebreos 2:14).
-
Jesucristow Diosan ajllit apnaqerejja. Supayajj jan sinttʼasiri ukat jupatakik taqe kuns muniri aka mundo apnaqeriwa, ukampis Jesusajj janiw ukhamäkiti. Jesusan gobiernopat parlkasajja, Diosajj akham siwa: “Humilde jaqetsa pobre jaqetsa sinttʼasiniwa [...]. Jupaw tʼaqesiyirinakatsa nuwasir jaqenakatsa jupanakar salvani” sasa (Salmo 72:13, 14).
-
Diosajj janipuniw kʼariskaspati. ‘Janiw Diosajj kʼariskaspati’ sasaw Bibliajj yatichi (Hebreos 6:18). Ukhamajj kuntï Diosajj arski uk phoqapuniniwa sasaw confiysna (Isaías 55:10, 11). ‘Aka mundon apnaqeripajj anqar jaqonukutäniwa’ sasaw Diosajj arsuwayaraki (Juan 12:31).
LUPʼIÑATAKI
Supayamp jan apnaqatäjjani ukhajja, ¿aka mundojj kunjamäjjanisa?
Bibliankir aka textonakaw uka jisktʼar qhanañchi: SALMO 37:10, 11 ukat APOCALIPSIS 21:3, 4.
Akanakajj inas gustarakiristam
YATIYAÑATAKI
¿Kunatsa Oraqpachan sumankañajj jan utjkpacha?
Jaqenakajj Oraqpachan sumankañ jikjjatañatak wals chʼamachasiwayapjjchejja, janiw uk jikjjatapkiti ¿kunatsa?, uk yatjjatam.
ESSENTIAL BIBLE TEACHINGS
¿Kunatsa Diosajj tʼaqesiñanak jan chhaqtaykpacha?
“¿Kunatsa oraqejj uñisiñanakampi tʼaqesiñanakamp phoqantatäpacha?” sasaw walja jaqenakajj jisktʼasipjje. Bibliaw uk sum amuytʼañatak yanaptʼistu.
YATIYAÑATAKI
¿Supayar ajjsarañasäspati?
Diosajj pusi yanaptʼanakwa Supayat jarkʼaqasiñatakejj churistu uk yatjjatam.
NANAKJJATA
¿Kunatsa Bibliat yatjjatañama?
Bibliajj walja jaqenakan jisktʼanakaparuw qhanañchawayi, ¿jumajj ukanak yatiñ munarakismati?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
