Biblian libronakapat qhanañchir videonaka
¿Kuna toqenakatsa Biblian mä libropajj parli? ¿Kunas uka tiempon pasaskäna? Aka videonakanjja, wali musparkañanak yateqäta. Bibliat liytʼkäta yatjjatkarakïta ukhaw uka videonak uñtasma.
Bibliankir libronakan qhanañchäwipa
Diosan Reinopan Reyipjamajj kunjamsa Jesusajj Diosan sutip qʼomachani, ukwa Bibliankir sapa mayni libronakajj qhanañchi, uk uñjam.
Génesis libron qhanañchäwipa
Génesis librojja, kunjamsa jaqenakan vidapajj qalltawayi, kunjamsa tʼaqesiñasa, jiwañas utjawayi uka toqetwa parli.
Éxodo libron qhanañchäwipa
Diosajj israelitanakar Egipto markatwa qhespiyäna, ukatjja, jupatakwa uka marka ajllisïna.
Levítico libron qhanañchäwipa
Kunjamsa Levítico librojj Diosan santötap uñachtʼayi, kunatsa jiwasan santöñasajj wali importantejja ukwa aka videon uñjäta.
Números libron qhanañchäwipa
Kunatsa taqe kunan Diosar istʼañasa, kunatsa khitinakatï markap irpapki ukanakarojj respetañasaraki ukwa uñjäta.
Deuteronomio libron qhanañchäwipa
Jehová Diosajj israelitanakar churkäna uka Leyejja, qhawqsa markapar munasi ukwa uñachtʼayi uka toqet yatjjatam.
Josué libron qhanañchäwipa
Kunjamsa Israel markajj Diosajj churki uka oraqe katuntapjje, jalanoqasipjjaraki ukwa aka videon uñjäta.
Jueces libron qhanañchäwipa
Aka librojja, Israelankir jan ajjsartʼir juezanakajj kuna askinaksa jikjjatawayapjje ukanakatwa qhanañchi. Diosajj jupat jan jitheqtiri chachanak toqew markapar tʼaqesiyir markanakat salväna.
Rut libron qhanañchäwipa
Kunjamsa mä tawaqo viuda warmejj viuda suegrapar wal munasïna, kunjamsa Jehová Diosajj uka pä warminakar bendisïna uka toqetwa Rut librojj parli.
1 Samuel libron qhanañchäwipa
Kunjamsa israelitanakajj juezanakampi apnaqatäkasin reyinakampi apnaqatäjjapjjäna ukwa uñjäta.
2 Samuel libron qhanañchäwipa
Kunjamsa Davidarojj humildëtapa Diosar confiyirïtapajj Biblian parlki uka jaqenakat sipan jukʼamp munataru wali uñtʼataru tukuyi, uk yatjjatam.
1 Reyes libron qhanañchäwipa
Israel markajj kunjamsa Salomón reyimp apnaqatäsajj wali suman jakasïna. Qhepat kunjamsa payar tʼaqjtasin jan walin uñjasïna uk yatjjatam.
2 Reyes libron qhanañchäwipa
Israelan norte toqenkir reinopajj kunjamsa idolonakar adorasajj jan walin uñjasïna, kunjamsa Jehová Diosajj jupar taqe chuyma servirinakarojj bendisïna uk yatjjatam.
1 Crónicas libron qhanañchäwipa
Diosar jan jitheqtas serviri David reyin nayra awkinakapar uñtʼam, ukat Israel markar apnaqañ qalltkäna ukhat jiwañapkamajj kunanaksa luräna ukanak uñtʼarakim.
2 Crónicas libron qhanañchäwipa
Kunatsa Jehová Diosar jan jitheqtas serviñajj wali wakiskiri uk Judá markankir reyinakan sarnaqäwipat yatjjatam.
Esdras libron qhanañchäwipa
Jehová Diosajja, kunjamtï siskäna ukhampunwa markaparojj Babiloniat salväna, Jupar mayamp adorapjjañapatakiw yanaptʼarakïna.
Nehemías libron qhanañchäwipa
Kuntï Nehemías libron siski ukajja, jichhürunakan wal yanaptʼistaspa.
Ester libron qhanañchäwipa
Jan waltʼäwinakan uñjaskañäni ukhajja, Diosajj salvapunistaniwa, ukar jukʼamp confiyañatakiw kunanakatï Ester warmin tiempopan paskäna ukajj yanaptʼistu.
Job libron qhanañchäwipa
Jehová Diosar munasirinakajj kunayman yantʼanakanwa uñjasiñäni. Ukhamäkchinisa, janipuniw Diosat jitheqtkañäniti, Jupajj Taqe Kunjjar munañani Diosätapwa yatiyarakiñäni, ukar jukʼamp confiyañatakiw Job chachan sarnaqäwipajj yanaptʼistu.
Salmos libron qhanañchäwipa
Salmos librojja, Jehová Diosajj Taqe Kunjjar Munañanïtapa, Jupar munasipki ukanakar chuymachtʼirïtapa, ukat kunjamsa Reinop toqejj aka oraq mä paraisor tukuyani ukanakatwa parli.
Proverbios libron qhanañchäwipa
Proverbios libronjja, walja suma ewjjtʼanakaw utji, ukanakajj negocionakata, familian sum jakasiñata ukat yaqha toqenakatwa parli.
Eclesiastés libron qhanañchäwipa
Salomón reyejja jakäwisan kunanak lurañas wakisi ukat kunanaksa jan lurañasäkaraki ukwa qhanañchäna.
El Cantar de los Cantares libron qhanañchäwipa
Sulamita tawaqojj ovej awatir mä waynarojj walpun munasïna, ukham munasiñajj ‘Diosan qollana ninapjamawa’ sasajja, ¿kunatsa sissna?
Isaías libron qhanañchäwipa
Isaías libron qellqaskäna uka profecianakajj phoqasipunïnwa, ukanakat yatjjatañajja Jehová Diosar jukʼamp confiyañatakiw yanaptʼistaspa.
Jeremías libron qhanañchäwipa
Jeremías profetajja, jan walinakan uñjaskasas kuntï Diosajj maykäna uk sumwa phoqäna. ¿Kunsa jichhürunakan cristianonakajj jupat yateqasipjjaspa?
Lamentaciones libron qhanañchäwipa
Jeremías profetaw Lamentaciones libro qellqäna. Jerusalén markan tʼunjasitapat kunja llakitas jikjjatasïna, arrepentisirinakarojj kunjamsa Diosajj perdoni ukanakwa Jeremiasajj Lamentaciones libron qellqäna.
Ezequiel libron qhanañchäwipa
Awisajj wali chʼamäkchïnsa, Ezequiel profetajj jan ajjsarasa humilde chuymampiw kuntï Diosajj maykäna ukanak luräna. Wal jupat yateqassna.
Daniel libron qhanañchäwipa
Daniel waynitusa amigonakapasa, jan walinakansa uñjasipkchïnjja, janiw Jehová Diosat jitheqtapkänti. Jupanakan sarnaqatapasa profecianakan phoqasitapasa, aka qhepa urunakan wal yanaptʼistu.
Oseas libron qhanañchäwipa
Oseas profetajja, kunja khuyapayasiñampis Jehová Diosajj arrepentisit jaqenakarojj uñji, kunjam adorayasiñsa muni uka toqenakatwa parläna.
Joel libron qhanañchäwipa
Jehová Diosan colerasiñ urupajj kunjamänisa ukwa Joel profetajj mä profecian arsüna, uka urun jan jiwañatakejj kun lurañasas wakisi ukwa qhanañcharakïna. Nayrat sipansa, jichhürunakaw uka arunakapar istʼañajj wali wakiskirejja.
Amós libron qhanañchäwipa
Jehová Diosajj mä wakiskir luräwi phoqañatakiw humilde chuymani mä chachamp yanaptʼayasïna. ¿Kunanaksa Amós chachat yateqassna?
Abdías libron qhanañchäwipa
Abdías librojja, Hebreo Arut Qellqatanakan utjki uka libronakatjja jukʼamp jiskʼakiwa. Uka libron qellqatäki uka profeciajja, jutïr urunak suytʼañasatakiw yanaptʼistu, kunjamsa Jehová Diosajj Taqe Kunjjar Munañani Diosätap uñachtʼayani uka toqetwa parlaraki.
Jonás libron qhanañchäwipa
Jonás profetajja, humilde chuymampiw Diosan cheqañchäwip katoqasïna, kuntï Diosajj lurañap maykäna uksa phoqarakïnwa, Diosajj kunja munasirisa khuyapayasirisa ukwa yateqarakïna. Jupan sarnaqäwipajj chuymarupuniw purtʼätam.
Miqueas libron qhanañchäwipa
Kuntï Jehová Diosajj lurañas maykistu ukajj jiwasan askisatakipuniwa, janirakiw jan phoqañjamäkiti, ukar jukʼamp confiyañatakiw Diosan amuytʼayata aka profeciajj yanaptʼistani.
Nahúm libron qhanañchäwipa
Profeciajja, Jehová Diosajj arunakap phoqeriwa, ukat khitinakatï Reinop toqe sumankañsa, salvatäñsa thaqapki ukanakarus chuymachtʼiriwa sasin confiyañatakiw yanaptʼistu.
Habacuc libron qhanañchäwipa
Jehová Diosajja, kunapachasa, kunjamsa markapar salvani uk sum yati, janiw uka toqet pächasiñasäkiti.
Sofonías libron qhanañchäwipa
Jehová Diosan colerasiñ urupajj janiw purinkaniti sasin amuyañajj ¿walikïskaspati?
Hageo libron qhanañchäwipa
Diosar serviñaw jakäwisan nayrankañapa, ukaw Hageo libron qhanañchasi.
Zacarías libron qhanañchäwipa
Diosan nayra tiempon servirinakaparojja, walja visionanaka profecianakaw wal chʼamañchtʼäna. Jichhürunakanjja, uka profecianakarakiw “Diosajj yanaptʼaskistuwa” sasin confiyañatak yanaptʼistu.
Malaquías libron qhanañchäwipa
Malaquías libron qellqatäki uka profeciajja, Diosan munasiñapata khuyaptʼayasiñapatwa parli, Diosan wiñay ewjjtʼanakapatwa parlaraki. Jichhürunakan yanaptʼiri ewjjtʼanakaw uka profecian utjaraki.
Mateo libron qhanañchäwipa
Mateo librojja, pusi Evangelio libronakat nayrïriwa. Uka librojj kunanakatsa parli ukwa aka videon uñtäta.
Marcos libron qhanañchäwipa
Mateo, Lucas, Juan libronakatjja, Marcos librow jukʼamp jiskʼajja. Uka librojja, Diosan Reinopan Reyipjamajj kunanaksa Jesusajj lurani uk amuyañatakiw yanaptʼistu.
Lucas libron qhanañchäwipa
¿Jesusan kuna luratanakapas Lucas libronak qhanañchasi?
Juan libron qhanañchäwipa
Juan librojja, qhawqsa Jesusajj jaqenakar munasi, humildëtapajj kunja yateqaskayasa, kunjamsa Mesiasätap uñachtʼayäna taqe ukanakwa qhanañchi.
Hechos libron qhanañchäwipa
Nayrïr cristianonakajja, taqe markankir jaqenakaru Jesusan arkiripar tukuyañatakiw wal chʼamachasipjjäna. Hechos librojja, Diosan arunakap jukʼamp yatiyañatakiw chʼamañchtʼätam.
Romanos libron qhanañchäwipa
Romanos librojja, Jehová Diosajj jan yaqhachasir Diosätapata, Jesusar confiyañajj wali importantëtapatwa qhanañchi.
1 Corintios libron qhanañchäwipa
1 Corintios librojja, mayachtʼatäñata, sum sarnaqañata, munasirïñata, ukat Jesusan jaktatapar creyiñatwa parli.
2 Corintios libron qhanañchäwipa
“Taqe kunan chuymachtʼasiri” Jehová Diosajj servirinakapar chʼamañchtʼiwa, yanaptʼarakiwa.
Gálatas libron qhanañchäwipa
Pablon galaciankirinakar carta qellqatapajja, uka tiempon wal yanaptʼäna, jichha tiemponsa ukhamarakiw wal yanaptʼistu. Taqe cristianonakaruw Jehová Diosat jan jitheqtañataki yanaptʼaspa.
Efesios libron qhanañchäwipa
Diosan amuytʼayat aka cartajja, kunjamsa Diosajj Jesucristo toqejj sumankañampi mayachtʼat jakasiñampi jikjjatani uka toqenakatwa jukʼamp parli.
Filipenses libron qhanañchäwipa
Jan walinakan uñjaskasas jan aynachtʼkañäni ukhajja, mayninakarojj jan aynachtʼapjjañapatakiw yanaptʼsna.
Colosenses libron qhanañchäwipa
Jiwasatï yateqktan ukarjam sarnaqañäni, maynit maynikam perdonasiñäni ukat Jesusajj qhawqha chʼamanisa uk amuyañäni ukhajja, Jehová Diosarojj kusisiyañäniwa.
1 Tesalonicenses libron qhanañchäwipa
Jiwasanakajj Diosar serviñan janiw ikjañasäkiti, taqe kunan sum amuyasiñasawa, oración lurapjjapuniñasawa, maynit maynikamas chʼamañchtʼasiñasarakiwa.
2 Tesalonicenses libron qhanañchäwipa
Jehová Diosan urup puriniñap toqet jan sum amuyapkäna ukanakaruw Pablojj amuytʼayi, Diosar taqe chuym confiyasipkakiñapatakiw chʼamañchtʼarakiwa.
1 Timoteo libron qhanañchäwipa
Pablojja kʼari yatichäwinakata, qollqer munañata, congregacionajj kunjamsa apnaqasiñapa ukanak qhanañchañatakiw 1 Timoteo libro qellqäna.
2 Timoteo libron qhanañchäwipa
Pablojja Diosan arunakap jankʼak yatiyañapatakiw Timoteor ewjjtʼi.
Tito libron qhanañchäwipa
Pablojj Titor qellqkäna uka cartajja, niya 61 marat 64 marakamaw qellqasïna. Ukanjja kuna jan walinakas Creta congregacionan utjäna ukat jilïr irpirit serviñapatakejj kuna mayitanakarjamas mä jilatajj phoqañapa uka toqenakatwa parli.
Filemón libron qhanañchäwipa
Aka cartajj jiskʼakïkchisa wali chʼamaniwa. Wali suma yatichäwinakaw humilde chuymanïñatsa, khuyaptʼayasirïñatsa, perdoneriñatsa utji.
Hebreos libron qhanañchäwipa
Templona ukat animalanak sacrificiot loqtasin yupaychañat sipansa, cristianonakan yupaychasitapajj wali jilankiwa.
Santiago libron qhanañchäwipa
Santiagojj chuymar purtʼkiri uñachtʼäwinakampiw yatichäna, ukhamat kunanaksa mä cristianojj jakäwipan lurañapa ukanak qhanstayañataki.
1 Pedro libron qhanañchäwipa
Pedron nayrïr cartapajja, jan qarjtañasataki taqe llakinakas Diosar katuyañatakiw chʼamañchistu.
2 Pedro libron qhanañchäwipa
‘Machaq alajjpachampi machaq oraqempi’ suykasajj janipun Diosat jitheqtañasatakiw 2 Pedro librojj chʼamañchistu.
1 Juan libron qhanañchäwipa
1 Juan librojja anticristonakat amuyasiñasatakiw ewjjtʼistu. Ukat kunsa munañasa kunsa jan munañasäkaraki ukanakatwa amuytʼayarakistu.
2 Juan libron qhanañchäwipa
2 Juan librojja, Diosan mandamientonakaparjam sarnaqaskakiñasataki ukat Dios contra saytʼirinakat jarkʼaqasiñasatakiw amtayistu.
3 Juan libron qhanañchäwipa
3 Juan librojja, congregación taypin katoqtʼasirïñajj qhawqha wakiskirisa ukwa yatichi.
Judas libron qhanañchäwipa
Kunjamsa jan wali jaqenakajj congregacionar kʼari yatichäwinakamp jan waltʼayañ munapjjäna ukanakatwa Judasajj qhanañchi.
Apocalipsis libron qhanañchäwipa
Apocalipsis libron qellqatäki uka musparkañ visionanakajja, kunjamsa Diosajj Reinop toqe amtanakap jaqenakatakisa aka oraqetakis phoqani ukwa uñachtʼayi.