QUIMELTUN 02

Biblia feipi taiñ cüme feletual

AMULCÜNUNGEAL

Fachantü com pu che huesa duamcülequei ca müna cutrancauquei, ¿chumngelu?⁠ a Fentren huesaque dungu rupamequeingün. Eimi, ¿ca femngechi rupamequeimi chi huesaque dungu mu? ¿Nieimi chi quiñe huesa cutran? ¿Layeluucüleimi chi? Fei eimi ramtuuqueimi chi: “¿Ca antü cümelcalepetuafun mai?”. Biblia huiñoldunguquei tüfachi ramtun, fei ngüneduamfilmi, quimaimi llemai.

1. ¿Chem cümeque dungu hulquei Biblia?

Biblia feipi chumngelu ruparupangei huesaque dungu Mapu mu. Huelu feica müten no, ca feipi pichiñma mu apümcangeai com tami cutrancaqueteu. Biblia ñi feipin quelluafeimu tami cüme feleal ca maneluucüleal (papeltuaimi Jeremías 29:11, 12). Maneluucülelmi Biblia ñi feipin mu, yafüluucüleaimi ca nieaimi cümeque raquiduam rupalmi rume huesaque dungu mu. Femngechi ayüucüleafuimi feula ca cüpalechi antü meu.

2. ¿Chem cümeque dungu rupayai?

Biblia feipi “ngehuelayai ta lan, ngüman no rume, eyütun no rume, cutrantun no rume” (papeltuaimi Apocalipsis 21:4). ¡Felei llemai! Com tami cutrancaqueteu ngehuelayai. Fill püle tati pu che rupaquei huesaque dungu meu, fillalei, contuqueyu huesaque cutran ca laquei. Huelu ti Biblia feipi pichiñma mu tati Mapu cüme feletuai ca com iñchiñ rumel ayüucületuaiñ.

3. ¿Chumngechi quimafuimi ñi rüfngepen mai chem pin Biblia?

Tati pu che feipingeafui ñi cüme feletual ta dungu, huelu cüdautuafuingün ñi maneluhual tañi feipingeel mu. Huelu Biblia ñi feipin, ¿rüf maneluhuafuimi cai? Femafuimi llemai. Fei, ¿chumafuimi? Fill antü cüme ngüneduamafimi chem pin Biblia (Hechos 17:11). Femngechi femülmi, quimürpuaimi chem pin Biblia ñi rupayal cüpalechi antü meu, fei raquiduamafuimi ñi rüfngepen mai tañi feipin.

DOI QUIMAIMI

Ngüneduamaiñ chem pin Biblia ñi rupayal cüpalechi antü meu ca chumngechi tüfa quelluniefi ta fentren che fantepu mu.

4. Biblia feipi ayühunquechi mongeleaiñ rumel meu

Ngüneduamaiñ quiñeque dungu ñi feipicünuel Biblia. ¿Chuchi am doi ayüfimi? ¿Chumngelu cai fente ayüfimi?

Papeltuaiñ chem pin Biblia, ca ngüneduamaiñ ti epu ramtun:

Ñi feipin Biblia, ¿rüf quelluafeimu? Tami familia cam tami pu hueni, ¿ca quellupeafeyu mai?

Ramtuunge:

¿CHEM HUESAQUE DUNGU NGEHUELAYAI?	¿CHEM CÜMEQUE DUNGU MÜLETUAI?
Sufrihuelayaiñ, füchahuelayaiñ, lahuelayai ta che (Isaías 25:8).	Taiñ pu che lalu huiñomongetuai Mapu meu, fei huiño petuafiyiñ engün (Juan 5:28, 29).
Cutranhuelayaiñ ca mülehuelayai cutranchengelu (Isaías 33:24; 35:5, 6).	Tremoletuaiñ ca com che huechengetuai (Job 33:25).
Mülehuelayai norngenochi dungu (Isaías 32:16, 17).	Pütrün iyael müleai, ca quiñe cüme ruca ca cüdau nieaiñ (Salmo 72:16; Isaías 65:21, 22).
Ngehuelayai fütraque quehuan (Salmo 46:9).	Tüngcüleai taiñ piuque (Salmo 37:11).
Niehuelayaiñ huesaque raquiduam (Isaías 65:17).	Rumel cüme feleaiñ (Salmo 37:29).

5. Biblia ñi feipin, rüf quelluqueiñmu

Huall Mapu meu fentren huesaque dungu ruparupangei, fei pu che huesa duamcülei ca lladcünagquei. Fei quiñeque engün fillque dungu mu conqueingün ñi norümtuafiel ti huesaque dungu. Huelu Biblia ñi feipicünuel, ¿chumngechi quellumequefi ta fentren che? Peaiñ ti VIDEO, ca ngüneduamaiñ ti epu ramtun.

VIDEO: Ayüquefun pu curü che ñi illamcangehuenoal (4:07)

Tañi curü chengen mu, ¿chem che troquingequefui Rafika?
Huesa rupalu rume ta Rafika, ¿chumngechi quellueyu ñi feipin Biblia?

Fentren huesaque dungu rupayafuiñ, fei huesa duamcüleafuiñ. Huelu maneluuliyiñ Biblia ñi feipin mu, nehuencontuaiñ. Papeltuaiñ Proverbios 17:22 ca Romanos 12:12, ca ngüneduamaiñ tüfachi ramtun: