‘Ngünechen [...] ancümüñmatuaeyu ñi cülleñu engün, fei ngehuelayai ta lan, ngüman no rume, eyütun no rume, cutrantun no rume. Itrocom tati mülequefulu am ta cuifi deu ta mülehuetunolu’ (Apocalipsis 21:3, 4, Ngünechen ñi Küme Dungu).

Nieaimi cüme falin ayühun-ngechi cüdau (Isaías 65:21-23).

Ngehuelayai cutran ca cutrancahun (Isaías 25:8; 33:24).

Afnoachi mongen nieaimi ayühun mu tami pu che ca tami pu hueni engün (Salmo 37:11, 29).

Mai, mülei epu dungu:

• Ngünechen niei pepiluhun tañi feipicünuel ñi huechutripayal. Biblia meu, Ngünechen müten üitungequei tañi nien “itrocom pepiluhun”, chumcaunorume am afquenolu ñi nehuen (Apocalipsis 15:3). Feimeu feipicünulu ñi doi cümelcalerputual taiñ Mapu, maneluucüleiñ quisu meu ñi rüf femal ñi feipicünuel. Chumngechi feipilei ti Biblia, Ngünechen “pepilniei” itrocom dungu tañi femal (Mateo 19:26).

• Ngünechen ayülei ñi femal com ñi feipicünuel. Quiñe feipin, Biblia feipi Jehová rume ayüi ñi huiñoleltuafiel tañi mongen tati lachi pu che (Job 14:14, 15).

  Biblia ca feipi Jesús, Ngünechen ñi Fotüm, tremolfi tati pu cutrancülelu. ¿Chumngelu femi tüfa? Fei ayünielu ñi femal llemai (Marcos 1:40, 41). Jesús ñi cümeque femün, cüme pengeli tañi Chau ñi ayünieel tañi quelluafiel tati pu che ñi duamtunieel (Juan 14:9).

  Feimeu maneluucüleiñ Jehová ca Jesús meu ñi ayünieel iñchiñ taiñ ayüucüleal cüpalechi antü mu (Salmo 72:12-14; 145:16; 2 Pedro 3:9).