Amual ti dungu

¿Felepei mai tati pu layelu ñi huiñomongetual?

¿Felepei mai tati pu layelu ñi huiñomongetual?

¿Chem piafuimi eimi...

  • ... mai?

  • ... femlayai?

  • ... femcayafui chi?

BIBLIA ÑI FEIPILEN

“Tati pu layelu tañi huiñomongetual engün” (Hechos 24:15, Ngünechen ñi Küme Dungu).

CHUMNGECHI CÜMELCAYAFEIMU

Lale quiñe piuqueyen che, peaimi yafüluhun (2 Corintios 1:3, 4).

Llicahuelayafimi ti lan dungu (Hebreos 2:15).

Nieaimi rüf maneluhun tami huiño petuafiel tami piuqueyen pu che lalu (Juan 5:28, 29).

¿RÜF FEYENTUPEAFUIÑ MAI CHEM PIN TA BIBLIA?

Mai, mülei cüla dungu:

  • Chau Ngünechen deumai tati mongen. Biblia feipilei Jehová ‘elunieiñmu mongen itrocom iñchiñ fei ti neyen ca com ti caquelu chemcün’ (Hechos 17:24, 25). Quisu elufilu mongen itrocom mongelelu, niei ti pepiluhun llemai ñi huiñomongeltuafiel tati pu layelu.

  • Cuifi mu Ngünechen huiñomongeltufi tati lachi pu che. Biblia feipi pura che huiñomongelngetui tüfachi Mapu mu, huentru ca domo, hueche ca füchan che. Quiñeque hue lalu engün; huelu quiñe rupa, quiñe huentru yeniefui meli antü tañi lalemum (Juan 11:39-44).

  • Chau Ngünechen rume ayülei ñi huiñomongeltuafiel tati pu layelu. Jehová üdequefi tati lan dungu, quiñe caiñe reque pequefi (1 Corintios 15:26). Quisu rume ayülei ñi apümcayafiel tüfachi caiñe, femngechi femai huiñomongeltun meu. Rume ayülei ñi huiñomongeltual tati pu lalu niefilu ñi raquiduam meu, ñi mongeleal tüfachi Mapu meu (Job 14:14, 15).

RAMTUUNGE

¿Chumngelu füchaqueiñ ca laqueiñ?

Peaimi huiñoldungun Biblia meu GÉNESIS 3:17-19 ca ROMANOS 5:12.