‘Ngünechen [...] ancümüñmatuaeyu ñi cülleñu engün, fei ngehuelayai ta lan, ngüman no rume, eyütun no rume, cutrantun no rume’ (Apocalipsis 21:3, 4, Ngünechen ñi Küme Dungu).

Rüf maneluucüleaimi Chau Ngünechen mu hulquenolu huesaque dungu (Santiago 1:13).

Yafülduamcüleaimi tami quimün chumngechi ta Chau Ngünechen ngüneitunieiñmu taiñ cutrancaucülen mu (1 Pedro 5:7).

Rüf maneluucüleaimi ñi afal com cutrancahun cüpalechi antü mu (Salmo 37:9-11).

Mai, mülei epu dungu:

• Chau Ngünechen üdequefi ti cutrancahun ca norngenochi dungu. Cuifi mu, ¿chum duami Jehová huesalcañmangelu tañi pu che? Biblia feipi hueñancüi ñi piuque pefilu caque che “ñi huesalcamequeteu engün” (Jueces 2:18, Traducción del Nuevo Mundo, TNM).

  Ngünechen ayüquelafi tati cutrancaquefilu caquelu che. Quiñe dungu: Biblia feipi Jehová ñi üdequefiel tati che “langümquelu culpan-ngenochi che” (Proverbios 6:16, 17).

• Ngünechen duamniefi com pu che. Jehová yafültucueiñmeu taiñ elcünual quisu meu com taiñ fill raquiduamelnieteuchi dungu ‘quisu am ta piuqueyenieiñmeu’ (1 Pedro 5:7).

  Tañi Ngünenien mu, Ngünechen pürüm apümcayafi com cutrancahun nielu tati pu che (Mateo 6:9, 10, TNM). Huelu feula, yafültucumequefi piuqueyen mu com ñi quintuqueteu rüf piuque mu (Hechos 17:27; 2 Corintios 1:3, 4).