“[M]aukwaʼ neykari kuʼ nanʉngwa ni, eygwi neki awichuʼ na nʉngwa, meʼneysʉkwa kuʼ nʉngwa, reʼkánʉkwa kineki”. (Revelación [Apocalipsis] 21:3, 4, Traducción del Nuevo Mundo).

Chʉwi meʼzanʉkwari Niwipaw kawi nanuʼ ni niweʼzʉn awʉngwa ni (Santiago 1:13).

Chʉwi niweʼzanʉn nugeʼki Niwipawseʼri eygwi agʉnkwʉyaná niweʼzʉn unigeʼri tanʉ niweʼkusa awʉngwa ni (Zacarías 2:8).

Awiri tʉkinri chʉwi niweʼkusʉya ʉnkuʼnába kwʉn nʉngwaná niweʼzanʉngwa ni (Salmo 37:9-11).

Bay mowga ɉuna sekʉnanʉn:

• Niwipawri chʉwi zanamʉ awiri du rigaʼgukuʼ neykari aguzanuʼ neyka ni. Birindi Jeuwá azey powru chʉwi aʼkukumʉn nuseʼri Ari azi aʼzare. Bibriaseʼ yeykari aɉwa powruseʼ chʉwi aʼkusi “zi aʼsʉn” nugin aʼzareri A chʉwi akukʉmáygwi aʼzʉnna yeyka ni (Jueces 2:18, Traducción del Nuevo Mundo).

  Niwipawse’ri, ikʉ iʼngeygwi chʉwi aʼkusi zoyari aguzanuʼ neyka ni. Bibriaseʼ yeykari ikʉ du arunhuʼ nari iʼngeygwi “dú arunhʉya ɉwa dosʉngwási zoyari”, Aseʼ aguzanuʼ neyka ni (Proverbios 6:16, 17).

• Niwipawri azey azey ikʉ chʉwi ʉnkʉreʼgow uwa ni. Nʉʼn nʉkin chʉwi nazari “deʼ naʼzʉnin” meʼzanʉnke, Jeuwáse’ri ey aʼzanʉnri ey minwanʉn nuga ni (2 Crónicas 6:29, 30, La Palabra de Dios para Todos).

  Niwipawseʼ sakuku reʼgownaseʼ pari azey azey ikʉ chʉwi aʼzari uwari igunamʉsa awʉngwa ni awiri chʉwi zanamʉri kʉchunha awʉngwa ni (Mateo 6:9, 10). Ayéy ʉnchonukingwi nʉnke, Así taʼni aʼzari zwein nugari, chʉwi kʉnisi gaʼkʉnamʉsin winigunamʉsʉn nuga ni (Hechos 17:27; 2 Corintios 1:3, 4).