“[M]aukwaʼ neykari kuʼ nanʉngwa ni, eygwi neki awichuʼ nʉngwa, meʼneysʉkwa kuʼ nʉngwa, rekánʉkwa kineki. Meʼzánʉkwa nʉnna ni zʉʼn, ɉʉkwa nʉngwa ni.” (Revelación [Apocalipsis] 21:3, 4, Traducción del Nuevo Mundo).

Nikamʉ ukumʉyari du niwikʉnchori zweingwa ni (Isaías 65:21-23).

Chʉwizanamʉ kʉchona awʉngwa ni awiri niweʼmʉchi neki niweʼzanuʼ nʉngwa ni (Isaías 25:8; 33:24).

Niwisinamʉ awiri niwiɉúnʉkʉnʉ ɉinasinri zeyzey niweʼzari aʼkwa kin akwʉngwa ni (Salmo 37:11, 29).

Bay mowga ɉuna, sekʉnanʉn:

• Niwipawri ɉumamʉ kʉnʉna name eymí zákusʉnʉngwa ni yeykari ʉnchunha awʉngwa ni. Bibriaseʼ yeykari, Niwipaw nʉkin “pinnázey nari ɉumamʉ kʉnʉna ni”, awiri ɉumamʉri iʼtikumuʼ neyka ni yeyka ni (Revelación 15:3). Ey uwame, kaʼgʉmʉseʼ du zákusa awʉnʉngwa ni yeykari emí zakusʉngwaná niweʼzʉna ni, Aseʼri ʉnchungʉkwéy kʉnʉna name. Bibriaseʼ yeykari: “Niwipawseʼ kinkiri inʉ nenʉn awkwéy gunti kʉnʉna zʉnʼ gun nandi” (Luka 18:27, GD).

• Niwipawri ayéy gaʼkʉnamʉ ʉnchunha awʉn aʼyuna ni. Ey uwame, Bibriaseʼ yeykari Jeuwári wichana neyka chʉká aʼkusa awʉn aʼyuna ni (Job 14:14, 15).

  Iʼngeygwi wasʉyari Niwipaw zʉ Gʉmʉsinʉ, Jesu zaʼkinugari, ikʉ aʼmʉchi aʼzʉna du aʼkusa una. Ey uweʼki, Azi name du aʼkusa unʉnno, Aseʼri igunamʉsa awʉn ayuname eynisʉn (Marku 1:40, 41). Ey awʉndi, Jesu eymí uninari Jeuwá ikʉ winaʼzaná ku neyka igunamʉsa awʉn aɉunʉya chwizʉnhaʼsi eynina naʼnʉnno (Juan 5:19).

  Ey awʉndi, Jeuwá awiri Jesuri eymi niʼname gwʉn du zakusʉngwáy naʼkínno niweʼzʉna ni (Salmo 72:12-14; 145:16; 2 Pedro 3:9).