Sente mi timo tic mwa i ng’om zoo beai ku kwong’a zoo i giramiya ma Jamulembeman acel acel bemiyo ku berwocwinye. * Pieno, sanduku benwang’ere kaka ma wabed watimo i iye coko mwa, man i kusika mwa mir internet de, junyutho yore mange ma juromo miyo ko giramiya. Yore tie dupa pi nikonyo ng’atini ning’iyo acel m’i kindgi pi nitielo tic mwa mi ng’om zoo, mi the dero, kunoke bende ario zoo.

 Jukwayu ngo nia Jumulembe gimii apaj piny migi man jung’olo ngo wend sente m’ukwayu ng’atuman umii iwi jamcinge m’unuti. (2 Jukorintho 9:7) Wabed wakwayu ngo sente man waketho ngo jubol thier pi coko mwa, pi batizo ma wamiyo ni dhanu, pi ponji mi kuny, mi nyom, kadi pi lembe moko ci ma wabetimo. Walworo ngo gato kadi piny mange, waketho ngo kwaya mi bola, wakwayu ngo kony i bang’ dhanu, man watimo ngo lembe moko ci ma kumeno pi ninwang’u sente. Junyutho de ngo ni dhanu nying’ ju m’umiyo sente. (Matayo 6:2-4) Kusika mwa mir internet man bende girasoma mwa umbe kud atwong’a mi lembkuloka.

 Kubang’ dwi, cokiriman mi Jumulembe pa Yehova betwong’o pi rapor mi sente i coko ma bebedo pi dhanu ceke. Man wang’ ma pol, jubed jutimo kwan mi sente mi cokiriman pi ning’eyo nia nyo jubetiyo ku giramiya i ayi m’atira.​—2 Jukorintho 8:20, 21.

•   I sanduku mi giramiya: Iromo royo sente kunoke cheque peri i sanduku mi giramiya ma nwang’ere i Udi Ker, Udi mi coko ma dit, man kaka mange ma watimo i iye coko mwa.

•   Iwi yamu: I ng’om ma pol, kan imito miyo giramiya, iromo tiyo ku mbaya “Pi nimiyo giramiya ni Jumulembe pa Yehova.” Iromo miye nikadhu kud i kart mi bank, nikadhu kud i telefon kunoke nikadhu kud i yore mange ma juoro ko sente iwi yamu. * Jumulembe moko gibed gimaru nikoyo wend sente moko segi kubang’ dwi man giketho ebed ewok kud iwi yamu nikadhu kud i yore maeno.​—1 Jukorintho 16:2.

•   Giramiya ma jular jupangu pire con con: Yore mange de nuti mi miyo giramiya ma kwayu nia jular jupang’ pire con con kunoke kwayu telowic mi cik pa Leta. Lembe ma ber, kan ibetiyo ku yone moko, ecopo ketho Leta jwigo iri piny moko iwi karatasi m’ukwayu icul. Dhanu dupa tinwang’u kony pilembe gilar ginyang’ cuu iwi kit giramiya m’ilar ikiewo pire nia bidong’ ni dilo i ng’ei tho peri kunoke kadok fodi itie kwo. Wakwayu inyang’ i bang’ biro ma dit mi Jumulembe pa Yehova mi ng’om mwu kan ibemito imii giramiya mi kwonde ma e:

  •   kont mi bank

  •   asurans

  •   lembe pa ot

  •   twero m’itie ko iwi piny (titres et obligations)

  •   testama

 Pi ning’eyo yore ma tung’ tung’ mi miyo giramiyane kaka m’ibekwo i iye, yab mbaya “Pi nimiyo giramiya ni Jumulembe pa Yehova.”