Кудайдыҥ Каандыгы јердеги бастыра башкаруларды јоголтып, бӱдӱн јерле башкарар (Даниил 2:44; Ачылта 16:14). Бу ӧй келзе, Кудайдыҥ Каандыгы...

•   калју улусты јердеҥ кырып салар. Олор јаҥыс бойын сананып турганыла бистиҥ ончобыска каршу јетирип јат (Укаа сӧстӧр 2:22).

•   ончо јуу-согуштарды токтодып салар. «[Кудай] бастыра јердиҥ ӱстинде јуу-согушты токтодып салат» (Сарын 46:9).

•   бастыра јердиҥ ӱстине амыр-энчӱ экелзе, улустыҥ јӱрӱми јаранар. «Кажы ла кижи бойыныҥ виноград сабагыныҥ ла смоква агажыныҥ алдында отурар, олорды кем де коркытпас» (Михей 4:4).

•   јерди рай эдип салар. «Какшап калган чӧл јер сӱӱнип чыгар, куру јалаҥдар сӱӱнип, шафран чылап чечектеер» (Исаия 35:1).

•   кажы ла кижиге јарап турган иш берер. «[Кудайдыҥ] талдап алгандары эткен ижиниҥ тӱжӱмиле толо тузаланар. Калас јерге иштенбес» (Исаия 65:21—23).

•   оору-јоболды јоголтып салар. «Бир де кижи: „Мен оору“ — деп айтпас» (Исаия 33:24).

•   кем де карыбас. «Оныҥ су-кадыгы јиит тужынаҥ артык болзын, ол ойто јиит болуп калзын» (Иов 33:25).

•   божогон улусты тирилтер. «Сӧӧк салар јерде јаткандардыҥ ончозы [Иисустыҥ] ӱнин угуп, тирилип чыгар» (Иоанн 5:28, 29, ЈТ).