“Je ɔ, Abosiami lɛ ngɛ nɔ yee.”—1 Yohane 5:19.

“Mawu Bi ɔ ba . . . konɛ níhi nɛ Abosiami tsu ɔ, e ba kpata lɛ tsuo hɛ mi.”—1 Yohane 3:8, Ngmami Klɔuklɔu ɔ.

E ma ha nɛ o maa le nɔ́ heje nɛ haomihi ngɛ je ɔ mi.—Kpojemi 12:12.

E ma ha nɛ wa ma ná hɛ kɛ nɔ fɔmi kaa je ɔ mi si himi ma tsake kɛ pee kpakpa.—1 Yohane 2:17.

Ee, ke e hí kulaa a, ngɛ yi mi tomi etɛ a heje:

• Satan nɔ yemi ɔ maa ba nyagbe. Yehowa mwɔ e yi mi kpɔ kaa e be hae nɛ Satan nɛ ye adesahi a nɔ. E wo si kaa e ma ‘kpata Abosiami hɛ mi,’ nɛ e ma dla níhi tsuo nɛ Satan puɛ ɔ.—Hebribi 2:14, Ngmami Klɔuklɔu ɔ.

• Mawu hla Yesu Kristo konɛ e ye je ɔ nɔ. Nɔ nɛ ngɛ je ɔ nɔ yee amlɔ nɛ ɔ yi mi wa, nɛ e foɔ lɛ pɛ e nɔ́ mi, se Yesu lɛɛ e be jã kulaa. Mawu tsɔɔ bɔnɛ Yesu maa pee e ní ha ke e wo lɛ matsɛ ɔ. Mawu de ke: ‘E maa na nihi nɛ gbɔjɔ, kɛ nihi nɛ e fi mɛ ɔ mɔbɔ. E ma he a yi wami kɛ je yi mi wami, kɛ awi yemi mi.’—La 72:13, 14.

• Mawu be nyɛe maa ye lakpa. Baiblo ɔ de heii ke: ‘Mawu be nyɛe maa ye lakpa.’ (Hebribi 6:18) Ke Yehowa wo si ke e maa pee nɔ́ ko ɔ, wa ma nyɛ ma ná nɔ mi mami kaa e maa pee kokooko! (Yesaya 55:10, 11) “Nɔ nɛ ngɛ je ɔ nɔ matsɛ yee ɔ, a ma kpa lɛ.”—Yohane 12:31.