Benɛ Yesu ngɛ zugba a nɔ ɔ, e je suɔmi agbo kpo kɛ tsɔɔ nihi, nɛ e ngɔ e wami kɛ sã afɔle ngɛ adesahi a he po. (Mateo 20:28; Yohane 15:13) E be kɛe nɛ e maa kpale pee nɔ́ ko kɛ je suɔmi kpo kɛ tsɔɔ adesahi, kɛ gu he blɔ nɛ e ngɛ kaa Mawu Matsɛ Yemi ɔ nya Matsɛ nɛ e maa ngɔ kɛ tsu ní kɛ ‘po tahi a se ngɛ je ɔ mi tsuo’ ɔ nɔ.​—La 46:9.

 Moo hyɛ bɔ nɛ Baiblo ɔ kale nɔ́ nɛ Yesu maa pee ɔ ha:

•   ‘Ke ohiatsɛ, loo nɔ nɛ e fi lɛ, loo nɔ nɛ be nɔ ko tsɛ lɛ ɔ, e maa bu lɛ tue. Nihi nɛ gbɔjɔ, kɛ nihi nɛ e fi mɛ ɔ, e maa na mɛ mɔbɔ. Nihi nɛ e fi mɛ ɔ, e ma he a yi wami. E ma he a yi wami kɛ je yi mi wami, kɛ awi yemi mi.’​—La 72:12-14.

 Mɛni wa maa pee kɛ je hɛsa kpo ngɛ níhi tsuo nɛ Yesu pee kɛ níhi nɛ e be kɛe nɛ e maa pee kɛ ha wɔ ɔ he? Ngɛ Luka 22:19 ɔ, Yesu de e se nyɛɛli kaa a kai e gbenɔ ɔ. Enɛ ɔ he je ɔ, daa jeha a, Yehowa Odasefohi kpeɔ nɛ a kaiɔ Yesu gbenɔ ɔ. Wa ngɛ mo nine fɔe nɛ o ba piɛɛ wa he kɛ ye Yesu gbenɔ ɔ Kaimi ɔ ngɛ Hɔgba, March 24, 2024 ɔ nɔ.

Hla He Nɛ A Maa Pee Kaimi ɔ Ngɛ