Ní Tɛnimi Nɛ Tsɔɔ Nɔ Ní

Video kpiti nɛ ɔmɛ kɔɔ sanehi nɛ a ngɛ hɛdɔ a he, se a haa nɛ ní kasemi peeɔ bua jɔmi!

Mɛni Nɛ Nɔ Hɛ Mi Hyɛmi Tsɔɔ?

Nɔ hɛ mi hyɛmi ngɛ nihi a nɔ he wami náe kɛ je blema. Moo kase nɔ́ nɛ o maa pee konɛ su nɛ ɔ nɛ ko he si ngɛ o tsui mi ɔ he ní ngɛ Baiblo ɔ mi.

Moo Po O He Piɛ Kɛ Je Sisimi Munyuhi A He

Ko he nɔ́ fɛɛ nɔ́ nɛ o kane loo o nu ɔ nɛ o ye. Moo kase blɔ nɔ nɛ o maa gu kɛ hla amaniɛ bɔmihi nɛ o kaneɔ loo o nuɔ mi saminya konɛ o yɔse lakpa a.

Bɔ Nɛ O Maa To O Sika He Blɔ Nya Saminya Ha

Moo baa o sika yi amlɔ nɛ ɔ, konɛ hwɔɔ se ɔ, e he nɛ ba se nami ha mo!

Ko Ha Nɛ Sigaleti Numi Nɛ Kpata O Hɛ Mi

Be mi nɛ nihi fuu ngɛ sigaleti nue ɔ, ni komɛ bɔ mɔde nɛ a kpa numi, nɛ ni komɛ hu lɛɛ a ngɛ mɔde bɔe kaa a ma kpa numi. Mɛni he je? Anɛ sigaleti numi hí niinɛ lo?

Video Nɔ Fiɛmihi: Anɛ O Ngɛ He Se Náe Lo?

Video nɔ fiɛmihi ma nyɛ maa pee hɛja jemi níhi, se oslaa komɛ ngɛ he. Mɛni o maa pee konɛ o yu o he kɛ je oslaa nɛ ɔmɛ a he konɛ o ná he se?

Susu Nɔ́ Nɛ Maa Je Dã Numi Mi Kɛ Ba a He

Dã ma nyɛ ma ha nɛ o pee nɔ́ ko loo o de nɔ́ ko nɛ pee se ɔ o ma pia o he. Mɛni blɔ nɔ o maa gu kɛ po o he piɛ kɛ je haomihi kɛ oslaahi nɛ jeɔ dã fuu numi mi kɛ ba a he?

O Fon Kɛ O Tablɛti Ɔmɛ Lɛ Kudɔɔ Mo Loo Mo Nɛ O Kudɔɔ Mɛ?

Wa ngɛ kɔmpiuta je ko mi, se ko ha nɛ e kudɔ mo. Kɛ o ma plɛ kɛ le kaa o fon loo tablɛti ɔmɛ he o juɛmi tsuo ha kɛɛ? Ke e he o juɛmi ɔ, kɛ o maa plɛ kɛ kudɔ lɛ ha kɛɛ?