LAPENY ME 9
Tika Omyero Aye ni Kwo Ocakke Pire Kene?
NGO MA ONONGO IN IBITIMO?
Go kong ni: Alex tye ma wiye onywene woko. En ma naka yam gire ye ni Lubanga tye dok en aye ocweyo jami ducu. Ento tin, lapwonye me biology owaco ki tekcwiny ni lok me cayan ma kikwedo moko ni kwo ocakke pire kene. Alex pe mito nen calo laming i nyim dano. En tye ka tamo ni, ‘Ka lucayan gukwedo ci gumoko ni tye ada, an dok atwero kwerone nining?’
Kono in aye ibed Alex, tika onongo ibiye ni kwo ocakke pire kene pien ni bukke me cayan tito ni meno lok ada?
TAM KONG!
Jo ma giye ni kwo ocakke pire kene kacel ki jo ma giye ni Lubanga aye ocweyo kwo pol kare girune me waco gin ma giye iye labongo ngeyo tyen lok mumiyo giye iye.
-
Jo mogo giye ni kwo kicweyo acweya pien ni meno aye gin ma kipwonyogi i kanica.
-
Jo mukene giye ni kwo ocakke pire kene pien meno aye gin ma kipwonyogi i cukul.
LAPENY ABICEL MA MYERO ITAM IYE
Baibul waco ni: “Ot mo keken dano aye ma gero, ento ngat ma gero jami ducu en aye Lubanga.” (Jo Ibru 3:4) Meno tika obedo gin ma dano maryek twero ye iye?
Waco ni Ngat mo pe ocweyo kwo obedo lok me mingo marom aroma ki waco ni ngat mo pe ogedo ot man
GIN MA DANO WACO: Jami ducu ma i polo ki lobo obino macalo adwogi me big bang (gin moni ma omwoc).
1. Anga nyo ngo ma omiyo gin meno omwoc?
2. Lok mene ma obedo me ryeko
GIN MA DANO WACO: Dano olokke ki i kom lee.
3. Ka ada dano olokke ki i kom lee
4. Pingo kadi kwo pa jami matino adada calo kwidi ma pe kitwero neno ki wang, bene pud lucayan pe gitwero niang iye?
GIN MA DANO WACO: Pwony ni kwo ocakke pire kene obedo gin ma kikwedo ci kimoko ni tye ada.
5. Tika ngat ma waco gin man dong okwedo en kikome?
6. Dano adi ma giye ni kwo ocakke pire kene pien ni kiwacigi ni jo maryek ducu giye pwony man?
Julia owacci, “Ka itye ka wot i bunga ci inongo ot mo mamwonya adada, tika ibitamo ni: ‘Man obedo gin me aura mada! Yadi nen calo gupoto kun gicanne kekengi i yo maber me yubo ot-ti.’ Ngene kene ni pe ibitamo kumeno! Kodi tam meno pe nyuto ryeko. Dong pingo myero waye ni jami ducu ma i polo ki lobo-ni ocakke pire kene?”
Gwen owacci, “Go kong ni ngat mo owacci ni bom omwoc i ot ka ma kigoyo iye bukke, omiyo inki okir i kor ot ki i wiye ci ocoyo dikconari mo magwar. Itwero ye lok meno?”
PINGO IN IYE I KOM LUBANGA?
Baibul cuko cwinyi me tic ki “ryekoni kacel ki niang matut ma itye kwede.” (Car. 3:21) Niyeni i kom Lubanga pe myero ojenge mere i kom
-
KIT MA IWINYO KWEDE (Awinyo mere calo teko mo ma lamal tye)
-
TAM PA JO MUKENE (Abedo ka ma dano mapol gitye ludini)
-
DIC (Lunyodona gupwonya me ye i kom Lubanga
—pe obedo gin ma ayero an kikoma)
Me kaka meno, myero ibed ki tyen lok mucwiny me ye i kom gin moni.
Teresa owacci, “Ka atye i kilaci, ma awinyo lapwony tito kit ma dul komwa mapatpat tiyo kwede i yo me aura, pe abedo ki akalakala mo ni Lubanga tye. Dul komwa ducu, kadi matidi loyo, tye ki ticce, dok tic magi timme ma wan wabedo ata ma pe wangeyo. Komwa pud dong obedo gin me aura ya!”
Richard owacci, “Ka aneno gurofa maboco, meli madongo, nyo mutoka, apenye kekena ni, ‘Anga ma oyubo gin man?’ Jo maryek aye gitwero yubo mutoka, pien, myero kiket jami matino tino mapol kacel kun kineno ni ducu tiyo maber, ka dong mutoka twero ngwec maber. Dong ka ngat mo maryek aye myero oyub mutoka, ci wan dano bene kicweyowa acweya.”
Anthony owacci, “Ka amedde ki kwano cayan, anongo ni pwony ni kwo ocakke pire kene kara tere otuc.” En bene omedde ni, ye ni kwo ocakke pire kene tek tutwal ka iporo ki ye i kom Lacwec.
TAM I KOM LOK MAN
Kadi bed lucayan dong gukwedo lok pi mwaki mapol ata i kom pwony ni kwo ocakke pire kene, ento tamgi pe rwatte i kom kit ma man otimme kwede. Dong ka lucayan pe giromo moko tamgi i kom pwony man
