U Tienu / U Tienu pia li yeli bi?
Biibili n yedi yaala
Bi nisaaliba kuli n pia bi yeliceli yeni, naani laa tiegi U Tienu moko n yaa pia o yelicele? O nilo yaa bani o lielo yelicele ki go yii o leni laa yeli, li todi bi danlingu gbamanu. Yeni de ti yaa bua ki tua U Tienu danli, li ŋani tin bandi o yelicele.
Biibili yedi: “N tie Jeova, n yeli n yeni
” (Esayi 42:8 MN) U Tienu
pia a baliyela nani U Paciamu Kuli Daano
, Li Miali Diedo
, bi O tagido. Ama wan bua o ŋoadikaaba n yaa yii O leni O yelicele yeni tie tipo ti jigidi. —Mi Cilima 17:1, Jesu Tondiba Tuona 4:24, Pieli Tikpiali 4:19.
Biibili tianba nni, bi diani U Tienu yelicele yeni Mi ñama 6:3 MN nni. Li yedi: “N den doagidi Abalahama, Issaka leni Jakob kani ke n tie U Tienu Paciamu Kuli Daano. Ama mii den waani ba ke n yeli n tie: Jeova.
”
Ŋali o yogu angile mabuolu nni, U Tienu yeli tie Jeova. Ama Biibili yeni cogicanbaanba maani ki yii o yahweh. Ama Jeova tie yaa yeli n ñani ki cie. Bi diani o Ŋantaadikpelo, Ebilunba mabuoli nni. Laa mabuoli cogima citi o jienu po ki yaa caa o ganu po. Laa mabuolu nni bi den diani U Tienu yeli leni dianjaga a naa YHWH. Bi yii laa dianjaga a naa ke tetagramme.