Li matanal takʼin chkakʼkutike jaʼ ta jtuneskutik sventa jpas li kabtelkutik ta spʼejel balumile a. Mi oy buchʼu tskʼan chakʼ matanal takʼine xuʼ te stikʼ ta jun kaja ti bu ta jtsob jbakutike o xuʼ te xakʼik li ta jpajinakutik ta jw.org ti bu chal: «Matanal takʼin». Li buchʼu chakʼe jaʼ tsnop stuk mi jaʼ chakʼ sventa tsobobbail, sventa abtelal ta spʼejel balumil o xchaʼtosal.

Li jun stestigo Jeovae muʼyuk chichʼ albel kʼu yepal skʼan xakʼ takʼin. Muʼyuk chichʼ kʼanbel diesmo mi jaʼuk primisia (2 Korintios 9:7). Li ta jtsobajelkutike muʼyuk chichʼ kʼanel takʼin, muʼyuk tojbil sventa chij-och, muʼyuk tskʼanik takʼin sventa ichʼvoʼ, muʼyuk tskʼanik takʼin mi oy buchʼu chame, mi oy buchʼu chnupune o yan kʼusitik. Muʼyuk ta jchonkutik veʼlil o yan kʼusitik sventa jtsobkutik li takʼine. Muʼyuk ta jkʼanbekutik takʼin krixchanoetik, mi jaʼuk ta jpaskutik tajimoletik jech kʼuchaʼal, loteria, rifaetik, feria o yan kʼinetik sventa jtsobkutik takʼin. Muʼyuk chichʼ albel sbi li buchʼu laj yakʼ matanal takʼine (Mateo 6:2-4). Jech xtok, li ta jpajinakutik xchiʼuk ta jvunkutike, muʼyuk te chalbe yaʼyejal sventa chonolajel.

Li ta jujun tsobobbail yuʼun stestigotak Jeovae chakʼik ta aʼyel kʼu yepal chlaj takʼin jujun u sventa snaʼik skotolik. Ta kʼutik sjalikile, chichʼ nojesel jlik vun sventa xichʼ kʼelel ti kʼu yelan xbat li takʼine (2 Korintios 8:20, 21).

• Skajail matanal takʼin: Xuʼ xatikʼ batsʼi takʼin o cheke li ta skajail ti te oy ta Salon sventa Tsobobbail, ta Salon sventa Asamblea o ti bu ta jtsob jbakutike.

• Matanal takʼin ta Internet: Ta epal lumetike jaʼ te ch-ochik li bu chal: «Matanal takʼin» xie. Xuʼ xakʼik ta tarjeta de crédito o débito, transferencia bancaria o yan kʼusitik tstunesik b. Junantik stestigotak Jeovae chchʼak komel stakʼinik jujun u sventa xakʼik li matanal takʼine (1 Korintios16:2).

• Donaciones planificadas: Sventa xavakʼ matanal takʼine skʼan me xasaʼ koltael ta stojolal li buchʼu lek chanem sventa xatabe sbalil li smantal ajvalil ta alumale. Junantike staojbeik sbalil kʼalal tsabeik skʼoplal kʼuxi xuʼ xakʼik matanal takʼin mi kuxulik toe o kʼalal mi chamike. Xuʼ sjakʼik batel ta Betel ti mas bu nopol nakalike sventa snaʼik kʼuxi ta akʼel matanal takʼin ta:

  • ● cuentas bancarias

  • ● seguros xchiʼuk planes de jubilación

  • ● bienes raíces

  • ● acciones xchiʼuk bonos

  • ● testamentos xchiʼuk fideicomisos

Mi chakʼan jech chavakʼ matanal takʼine kʼopojan batel li ta Betel ti bu sventainoj li alumale, jaʼ jech xapas kʼuchaʼal chal li ta pajina ta Internet ti xi sbie: «Matanal takʼin».