Yeuwaarü duü̃ü̃gü norü diẽrumaã Tupanaarü puracüü̃ narüngü̃ẽẽ i guü̃ i Naanewa. a Yeuwaarü Orearü Uruü̃güarü ngutaqueꞌepataü̃wa nangema diẽrutchiü̃, rü sitearü üye Ofertagü nüü̃ inayangau tá to i nacümagü na nüü̃ narüngü̃ẽẽü̃caꞌ. Rü nüü̃ nangemaü̃ yeera i nacümagü na wüi oferta naüü̃caꞌ na Naanearü Tawa Tupanaarü puracüü̃ narüngü̃ẽẽ rü ngutaqueꞌepataü̃arü ngetanüü̃ narüngü̃ẽẽ na naütanüü̃caꞌ rüeꞌna i ngema tare.

 Toma ya Yeuwaarü Orearü Uruü̃gü tiĩgüü̃ rü ngutaqueꞌewa tama i dízimo nanaütanü. (2 Corĩ́tiucü̃ãꞌ 9:7) Rü na tórü ngutaqueꞌewa inangu ngetanüü̃ niĩ rü tama diẽrucaꞌ itacagü. Yima yatügü yaõgüü̃tücumü icuácü rü tama nayauarü diẽruãgü na duü̃ü̃güü̃ ínabaiü̃ẽẽü̃caꞌ rü bai ngĩgütchigaarü ngutaqueꞌe naüü̃caꞌ rü bai togütchigü. Rü Yeuwaarü Orearü Uruü̃güarü ngutaqueꞌepataü̃wa tama nangema i taetchica rü tama to i nacümamaã diẽrucaꞌ itacagü. Tauema nüü̃ tacuaꞌgü na teemeꞌ tiĩ ya diẽrutchiü̃gu na tiücutchie ya diẽru. (Mateu 6:2-4) Torü sitewa rü torü poperagüwa tama nangema i propagandagü na diẽrucaꞌ itacagü.

 Guü̃ i tauemacü rü wüi i ngutaqueꞌewayane, wüitchigü i yaõgütücumü rü diẽrutchigaü̃ niu i taenegümaã rü taeyagümaã rü guü̃ma i ngema diẽru i nayauü̃ rü nhuꞌmatchi i ngema diẽru rü marü nanaguꞌẽẽ. Rü meã nanangugü i ngema diẽru i nayauü̃ na meã nanaguꞌẽẽü̃caꞌ. (2 Corĩ́tiucü̃ãꞌ 8:20-21)

•   Diẽrutchiü̃gu: Yeuwaarü Orearü Uruü̃güarü ngutaqueꞌepataü̃wa urü to ngutaqueꞌetchicawa nangema diẽrutchiü̃ na wüi i oferta cuüü̃caꞌ diẽrumaã urü chequemaã.

•   Ofertagü on-lineãcü: Muü̃ma i natchiü̃anegü, torü sitearü naátüwa “Wüi oferta cuüü̃caꞌ i Yeuwaarü Orearü Uruü̃güü̃caꞌ” wüi oferta cuü cartãoarü creditomaã, cartãoarü débitomaã, transferência bancáriagümaã rü to i nacümamaã internetgagu. b Ngemaãcü nümaü̃ rü guꞌcü i tauemacü marü “ngĩü̃ ínaüütchi i ngẽma diẽru i Tupanana ngĩü̃ naãcü”. — 1 Corĩ́tiucü̃ãꞌ 16:2.

•   Ofertagü na marü nagu curüĩnü: Nhuꞌremare i nacümagü na ofertagü cuüü̃caꞌ nanawae naü̃pa nagu curüĩnü urü wüi i tchogüruü cuü̃ narüngü̃ẽẽ. Ngemaãcü cuyonie tchi curü natchiü̃anewa nangemaü̃ i benefício fiscalgü. Nümaü̃ i duü̃ü̃gü ngẽguma wüi oferta naãtchaü̃gu norü namaü̃yane urü ngẽguma nayugu, naü̃pa yeera ngematchiga nüü̃ nacuaꞌtchaü̃ na marü nüü̃ narüngü̃ẽẽ. Rü ngemacaꞌ, name niĩ nacaꞌ cudauü̃ rü curü natchiü̃anearü Betéupataü̃maã wüi i ofertatchiga cuütchaü̃:

  •   contaarü báü̃cu

  •   seguro rü planoarü previdência privada

  •   curü ngẽmaü̃ãꞌ

  •   açãogü rü títurugü

  •   testamentogü rü fideicomisso

 Na yeera nüü̃ cucuaꞌẽẽ i ofertagütchiga rü curü natchiü̃anewa, nüü̃ cudau torü sitearü naátüwa “Wüi oferta cuüü̃caꞌ i Yeuwaarü Orearü Uruü̃güü̃caꞌ”.