Ovilinga vietu vikwatesiwako nonombongo mbwaawa nonombangi mba Siovaa. a Oukasa watyo wokupakwa onombongo mbokwaawa ukala monondywo mbomaliongiyo, tupu tupondola okulingila oviawa ovio mo site donate.pr418.com. Tuna oukasa uvali tupaka ononbongo onthwe twaava, kamwe opo tukwateseko ovilinga aviho vilingwa mouye auho, kamwe opo tukwatesako ovilinga vina vilingwa mewaneno. Mahi tyitei vala kwoove omu wahanda okupaka.

 Onombangi mba Siovaa kavakuluminya ovanthu vaave onombongo tupu kavapopi otyiñgapi omunthu ena okwaava. (2 Ova Kolindu 9:7) Momaliongiyo etu kamwitwa onombongo munyingilwa vala otyali. Tyilinge umwe pokumbatisala omunthu tyilinge pokupaka omunthu wanyima tyilinge povipito viokunepa nopovipuka ovikwavo kavaiti onombongo. Tupu, tutupu onovenda mbokulandesila ovipuka, nii katuhoneka omikanda viokwita onombongo. Onthwe katupopila ovanthu olie waeta onombongo. (Mateusi 6:2-4) Mo site yetu nomomikanda vietu kamupopiwa ovipuka viononiñgoso.

 Momawaneno Onombangi mba Siovaa kese ohanyi vapopila aveho mewaneno onombongo mbaawa. Kese ewaneno lihoneka onombongo ovanthu vaava. Onombongo ombo haa ambutalwa opi mbanyingaila opo mbuhaundapeswe vala omapita. (2 Ova Kolindu 8:20-21)

•   Oukasa woviaawa: Uvasiwa monondywo mbomaliongiyo napana tulingila ovionge, ove upondola okupakamo onombongo, tupu upondola okwaava no cheque.

•   Oviawa viokulingilwa mo Internet: Movilongo ovinyingi ovanthu vapondola okulinga oviaawa ovio okunyingila pana pati: “Linga oviawa opo ukwatesako Onombangi mba Siovaa” upondola okulinga notyikalatau, ine upondola okutuma kokonda yombango. b Vamwe opo vatyivile okwaava onohanyi ambuho konombongo mbavo vatepula-ko etyi vaava kese ohanyi. — 1 Ova Kolindu 16:2.

•   Oviawa ove Upanga: Oviawa viokupangwa viesukisa umwe okukapopia novatumini vombonge. Ovanthu vokulinga oviaawa ovio vapola ouwa kovipuka vimwe ovatumini votyilongo vehole okwaava kovilongo vimwe. Tupu vamwe tyivekwatesako mokonda oviaawa viae vipondola umwe okulingwa tyilinge tyina ena omwenyo tyilinge umwe tyina anyima. Tukwita upopie nombetele ili motyilongo tyenyi ine wahanda vali okunoñgonoka oñgeni tyilingwa oviawa evi:

  •   okwaavela kokonda yombango

  •   ine wahanda okuundika otyitisa

  •   ine mohande okwaava ohika hamwe ondywo novipuka ovikwavo

  •   ine una etyi mohande okuundika ine hamwe okwaavela eongano

  •   ine wahanda tyina wamanyimi onombongo mbove mbusale neongano

 Opo unoñgonoke vali oviawa vilingwa motyilongo tyenyi enda pana pokwati: “Linga oviawa opo ukwatesako Onombangi mba Siovaa.”