Kansi Ndalama Zoyendeshela Nchito ya Mboni za Yehova Zucokela Kuni?

Ndalama zatuyendeshela nchito yasu zucokela kuli a Mboni za Yehova amene opeleka mwa kufuna kwao.a Ndipo pa misonkhano yasu poyendeshewa lini mbale ya zopeleka koma soti tupeleka lini cakhumi. (Mateyu 10:7, 8) Koma pa misonkhano yasu ponkhala tumabokosi twa zopeleka, kuti aliyense wafuna aponyemo ndalama. Ndipo tulengeza lini mazina ya ŵanthu amene aponyamo ndalama.

A Mboni za Yehova opeleka lini cakhumi olo kuŵaikila mlingo wa ndalama zakufunika kupeleka. (2 Akorinto 9:7) Pa misonkhano yasu, ponkhala lini kuyendeshamo mbale ya zopeleka ndipo akulu opasiwa lini ndalama kuti alaŵile nkhani ya ubatizo, nkhani ya malilo, nkhani yaukwati olo pa nchito ziyakine zacipembezo. Tupanga lini tumagulu tosonkhesha ndalama zoyendeshela nchito yasu. (Matthew 6:2-4) Ndalama izi zukwanisha kuyendeshela nchito yasu cifukwa tiliye abusa opasiwa malipilo. Ciyakine n’cakuti Mboni za Yehova zupasiwa lini ndalama pa nchito yao yolalikila ndipo Ng’anda zasu za Ufumu ni zapalulu lini ngako.

Ndalama zikatumizhyiwa ku ofesi ya msambo ya Mboni za Yehova, zuseŵenzeshewa kuyavya ŵanthu akhuziwa na masoka acilengedwe, kusamalila amishonale koma soti atumiki oyendela mipingo. Ndalama ziyakine zuyavya pa nchito yomanga ng’anda zolambililamo na pa nchito yopulinta koma soti kutumizhya mabaibo na mabuku ayakine. Munthu aliyense angasankhe kupeleka ndalama zothandizila pa mpingo olo pa nchito yasu ya pacalo conse kapena pa zonse ziŵili. Mwezi uliwonse mpingo uziŵishiwa mwazaseŵenzeshewela ndalama. Maakaunti a mpingo ocitiwa oditi pakapita miyezi itontho pofuna kusimikizhyila kuti ndalama zupelekewa zuseŵenzeshewa moyenela.​—2 Akorinto 8:20, 21.

• Tumabokosi twa zopeleka: Mungaponye ndalama olo macheke m’tumabokosi twa zopeleka pa Ng’anda ya Ufumu, pa Malo Ocitila Misonkhano Ikulu-ikulu, kapena pa malo ayakine pamene pocitikila misonkhano yasu.

• Zopeleka za pa intaneti: M’vyalo viyakine, mungapange zopeleka pa intaneti pa mbali yakuti “Donate to Jehovah’s Witnesses” poseŵenzesha njila izi: credit cards, debit cards, bank transfers, kapena njila ziyakine za pa intaneti.b Mboni ziyakine zupanga pulogilamu yakuti mwezi uliwonse zikopeleka mlingo woikika wa copeleka.​—1 Akorinto 16:2.

  

• Kukonzelatu zakuti mukapeleke cuma canu msogolo: Ŵanthu ayakine okonza zakuti cuma cao cikapelekewe ku gulu yasu akayomwalila. Conde konshani malangizo ku ofesi ya msambo ya m’calo canu kuti muziŵe zinyinji zokhuza mwamungacitile izi:

  • maakaunti ya ku banki

  • inshuwalansi na ndalama za lithaya

  • malo

  • masheya

  • wilu na cuma camasiye

Kuti muziŵe zinyinji zokhuza mwamungapangile zopeleka pa intaneti, lutani pa webusaiti ya jw.org pa mbali yakuti “Donate to Jehovah’s Witnesses.”