Mu Hugbatei kɛ Wɔɔma Hindeisia / Mi Mia Wa Kɔpoi Gbua Na Wu Yingi Ji Wue Va?
Jɛhova Jeliwuableisia ti lii hu gbɔmi na ta pie ta mia a Ngewɔ laya le yingi ji lɛ gulɔma. Muɛ kɔpɔ wumbu nunga yeya ji ta li mu goimisia hu tao muɛ ti mɔli kɔ ti kɔpɔ ve mu wɛ. (Matiu 10:7, 8) Kɛɛ nahu gbi bɔkisisia lɔ mu jamaasia hu nahi numu gbi longa i kɔpɔ wu hu a li lɔ i pu hu. Numu gbi ɛɛ ngi biyei nyɛ ji ba li kɔpɔ wuma hu.
Hinda yia a gbɔ mu ma kɔ mu mu kɔpoi yayenge panda, ta mia a ji muɛ nu gbi pawa. Tao tɛɛ Jɛhova Jeliwuableisia pawa jifa ta li Ngewɔ laya lemi, tao Mahaya Wɛɛ nasia mua too tii lakpani wa.
Nunga ti lii hu gbɔmi na ta fe, ta joyo lɔ Jɛhova Jeliwuableisia ti yenge bikisia hu. Kɔpoi ji mia ta gayenge lɔ gbɔva nasia ma kpundei a ti mɛi, misɔnalisia kɛ mahugbeblei nasia ta jia jamaasia mahu, ta mia gbɔma ta gayenge pɛɛisia loo va Ngewɔ vɛi va hu, kɛ Baibu bukuisia plinti va kɛ joyo va jamaasia hu.
Numu gbi a ngi nɛmahui gbatɛ lɔ ina ngi longɔ i kɔpoi wu haiŋ muimui nasia va jamaasia ta gbee va ɔɔ Ngewɔ laya le yingi lɛ va gulɔ ma ɔɔ fengɔ va. Jamaa gbi a kɔpoi na nyɛin kɔlei ta gayenge gawui hu.