Aikotā̃ meig̃ Ieuwa Ehay Enoi Haria iꞌatuꞌe dinheiro.
Mesūwat yi oktān Ieuwa Ehay Enoi Haria taꞌatuhenoi Tupana Ehay etiat maꞌato taꞌatuhenoi Tupana Ehay etiat hamo taꞌatupag̃ dinheiro eiam me taꞌatupyꞌa pyi. * Ieuwa Montypot Yat tote taꞌatupag̃ kuap dinheiro eiam me sio site puo taꞌatupoꞌoro kuap iꞌatuedinheiro. Wuatꞌi puo taꞌatuhoꞌoj̃um kuap iꞌatumiūm koꞌi congregação powȳro hamo hawyi miꞌi dinheiro iꞌatumipag̃ wo taꞌatuhoꞌoknug̃ hamo ariãty hawyi yꞌy Ieuwa Montypot Yat piat iꞌewȳte miꞌi dinheiro wo taꞌatunug̃ hamo Tupana Ehay koꞌi iꞌewȳte iraniaꞌīn popera koꞌi wy.
Ieuwa Ehay Enoi Haria ȳt hoꞌoknug̃ꞌi dízimo. (2 Kurintiu 9:7) Ieuwa Ehay Enoi Haria waꞌatunug̃ hap tote ȳt uweꞌi hentup dinheiro mītꞌīn me. Uruꞌakag̃nia ȳt uruiposoꞌoknug̃ꞌi miꞌiria iꞌatupotpap taꞌatupyꞌa pyi yn. Ȳt urutunug̃ꞌi hairu hap koꞌi dinheiro sāt hamo neig̃ bingo sio rifa. Urutopag̃ kuap dinheiro eiam me hawyi ȳt uweꞌi hamo ikuap karānia urutopag̃ dinheiro hap. (Mateu 6:2-4) Site pe ȳt katꞌi weneruꞌi weneruꞌi e hap koꞌi. Uruepopera pe ȳt katꞌi wy.
Ieuwa Montypot Yat pe wentupꞌok ihaig̃nia henoi torānia itotiaria pe miꞌirania watipuenti dinheiro iꞌatuꞌe hamo hawyi taꞌatuhenoi kat koꞌi kat koꞌi upi taꞌatumomã dinheiro hap miꞌi pote torānia ikuap taꞌyn aikotā̃ me dinheiro toto hap. Uruꞌakag̃ koꞌi teꞌeruwaꞌatunug̃ tuereto taꞌatukuap aikotā̃ aikotā̃ dinheiro toto hap kuap hamo. (2 Kurintiu 8:20-21)
Aikotā̃ me emij̃um koꞌi etum kuap
Dinheiro eiam koꞌi. Etum kuap emij̃um koꞌi cheque puo pyi sio dinheiro puo pyi. Etiꞌatupag̃ kuap dinheiro eiam me Ieuwa Montypot Yat tote Ieuwa Montypot Yat Wato tote sio iraniaꞌīn aiwaꞌatunug̃ hap koꞌi tote.
Etipoꞌoro kuap emij̃um site puo pyi. Miꞌi hamo erēke o Etipoꞌoro emij̃um koꞌi Ieuwa Ehay Enoi Haria minug̃ koꞌi powȳro hamo e hap pe emij̃um koꞌi poꞌoro hamo. Etipoꞌoro kuap cartão de crédito puo pyi cartão de débito puo pyi iꞌewȳte transferência bancária puo pyi wy. * Iraniaꞌīn taꞌatuꞌaira aikotā̃ me taꞌatuj̃um terān hap taꞌatumij̃um poꞌoro hamo hawyi taꞌatuꞌaira karānia taꞌatuj̃um terān mês upi hap.— 1 Kurintiu 16:2.
Saꞌawyꞌi wuaria emiꞌaira koꞌi emij̃um wo etum hamuat hap. Iraniaꞌīn emij̃um koꞌi etum eꞌyj̃an mete waku etiꞌaira sio waku ehay advogado wȳwo epowȳro hamo. Miꞌi hap koꞌi etunug̃ aikotā̃ lei koꞌi ewy pote ȳt ehoꞌoknug̃ hamoꞌi iraniaꞌīn imposto koꞌi. Etikuap poꞌog̃ kuap meig̃muewat lei koꞌi etiat. Iraniaꞌīn lei koꞌi ewy etunug̃ mote urusāt hamo emij̃um ereig̃neꞌen turān. Maꞌato iraniaꞌīn lei koꞌi ewy etunug̃ mote urusāt hamo emij̃um ekuꞌuro hawyi yn. Ehay kuap Ieuwa Ehay Enoi Haria etikuap poꞌog̃ terān meig̃muewat koꞌi etiat pote.
contas bancária koꞌi etiat
seguro hawyi planos de previdência privada etiat
imóvel koꞌi etiat
ações hawyi título koꞌi etiat
testamento koꞌi hawyi fideicomisso etiat
Etikuap poꞌog̃ terān aikotā̃ me etum kuap emij̃um koꞌi pote erehaꞌat kuap Etipoꞌoro emij̃um koꞌi Ieuwa Ehay Enoi Haria minug̃ koꞌi powȳro hamo e hap kape site jw.org pe.
^ parágrafo 2 Ȳt Ieuwa Ehay Enoi Hariaꞌi urupowȳro kuap iꞌatumij̃um koꞌi puo pyi.
^ parágrafo 7 Erehaꞌat kuap vídeo Como Fazer Donativos de Forma Eletrônica e hap etikuap poꞌog̃ hamo.